Goa Drugs News: ड्रग्सतस्करी करण्यासाठी गुन्हेगार गोव्यात दाखल होऊन अवैध गोष्टी करण्याच्या घटनांमध्ये वाढ झाली आहे. गोवा पोलीस, अबकारी खाते आणि सरकारतर्फे या गोष्टींवर आळा घालण्यासाठी विविध मोहिमा राबवण्यात येत आहेत.
काल रात्री पोलिसांनी ड्रग्सतस्करी केल्याप्रकरणी एकाला अटक केली आहे. अंमली पदार्थ विरोधी पथकाने मूळचा झारखंडचा रहिवासी असलेल्या विजय वर्मा याला करमाळी रेल्वे स्टेशनजवळून ताब्यात घेतले आहे.
माहितीनुसार, विजय वर्मा याच्याकडून 3 किलो गांजा जप्त करण्यात आला आहे. तो हा गांजा त्याच्या कस्टमरला देण्यासाठीच गोव्यात आला असल्याचे त्याने सांगितले. पोलीस या संपूर्ण घटनेचा पुढील तपास करत आहेत.
दरम्यान, बेळगाव अबकारी पथकाने मोठी कारवाई करत तब्बल 47 लाख रूपयांची गोवा बनावटीची दारू जप्त केली आहे. जाम्बोती- खानापूर मार्गावर मंगळवारी दुपारी अबकारी पथकाने छापा टाकत ही कारवाई केली.
धक्कादायक म्हणजे कर्नाटकमध्ये सध्या निवडणुकीचा प्रचार जोरदार सुरू आहे. त्याच पार्श्वभूमीवर मद्याची अवैध वाहतूक केली जात असल्याची माहिती समोर आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
