डिचोलीत जलवाहिनी फुटली...

लाखो लिटर पाणी वाया: पंधरा दिवसांंपासून विभागाचे दुर्लक्ष
Water flowing through aqueducts
Water flowing through aqueductsDainik Gomantak

डिचोली: एका बाजूने डिचोलीतील काही भागात पाण्याची समस्या असताना, दुसऱ्या बाजूने मात्र चक्क शहरात प्रचंड प्रमाणात पाण्याची नासाडी सुरू आहे. राज्य महामार्गाअंतर्गत येणाऱ्या बगलमार्गावर नाईकनगर-बोर्डे परिसरात मोठी जलवाहिनी फुटून प्रचंड प्रमाणात पाण्याचा अपयव्य होतोय. ही जलवाहिनी नेमकी कधी फुटली, त्याची निश्चित माहिती मिळाली नसली तरी किमान पंधरा दिवस उलटून गेल्याची खात्रीलायक माहिती आहे.

नाईकनगर भागातील एका नागरिकाने या माहितीस दुजोरा दिला. बगलमार्गावर बांधकाम चालू असलेल्या छोट्या पुलाजवळून गेल्या महिन्यापासून पाणी वाहत आहे, असे त्यांनी सांगितले. मिळालेल्या माहितीनुसार या जलवाहिनीतून पडोसे जलशुद्धीकरण प्रकल्पाद्वारे अस्नोडा प्रकल्पात पाणी पुरवण्यात येत आहे. नाईकनगर-बोर्डे परिसरात बगलमार्गावर बांधकाम सुरू असलेल्या पुलाजवळून गेलेल्या मोठ्या जलवाहिनीच्या जॉईंटमधून मोठ्या प्रमाणावर पाणी वाहत आहे. त्यामुळे दरदिवशी हजारो लिटर पाणी वाया जात आहे. जलवाहिनीत बिघाड नेमका कसा झाला, ते समजू शकले नसले तरी पुलाचे काम करताना जलवाहिनीचा जॉईंट सुटला असावा असा अंदाज आहे.

Water flowing through aqueducts
4 वर्षांपूर्वी उद्‌घाटन; तरीही कांदोळीतील उद्यान उघडेना!

दुरुस्ती करण्याकडे साफ दुर्लक्ष

ज्या ठिकाणी जलवाहिनीत बिघाड झाला आहे, त्या ठिकाणी सहजासहजी कोणी फिरकत नाही. त्यामुळे हा प्रकार कोणाच्या लक्षात आला नाही. तरीही पुलाचे कामगार, कंत्राटदार यांचा त्या ठिकाणी वावर असतो. मात्र अद्यापही या जलवाहिनीची दुरुस्ती झालेली नाही. उलट बाहेर वाहणाऱ्या पाण्यासाठी वाट करून दिल्याचे दिसून आले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com