Fraud Case : अनेक फसवणुकीच्या घटना दिवसागणिक वाढत चालल्या आहेत. या प्रकारांवर आळा घालण्यासाठी गोवा पोलीस प्रशासन नेहमीच सतर्क आहे. देशभरातील अनेकांची 100 कोटी रुपयांची फसवणूक करणाऱ्या एरिक हेन्री वाझ (37) याला जुने गोवा पोलिसांनी सोमवारी अटक केली. याबद्दलची माहिती उत्तर गोव्याचे एसपी निधीन वलसान यांनी दिली.
वलसान यांनी सांगितले की, गोलाबारी पोलिस स्टेशन (कोलकाता) येथे नोंदवलेल्या फसवणुकीच्या गुन्ह्यात आणि बंगळुरू, मुंबई, पुणे, उत्तर प्रदेश आणि इतर ठिकाणी 100 कोटी रुपयांपेक्षा जास्त फसवणुकीच्या गुन्ह्यांमध्ये वाझ याचा सहभाग असून त्याच्यावर गुन्हे नोंद करण्यात आले होते.
गोलाबारी येथील सध्याच्या प्रकरणात, आरोपी हा गोल्ड हिल नावाच्या फर्मचा एकमेव मालक असून तो कोळसा आणि विदेशी चलन व्यापार करत होता. वाझ यांनी लोकांकडून खोट्या गुंतवणुकीचे आमिष दाखवून त्यांच्याकडून पैसे घेतले. त्या पैशांचा त्याने गैरवापर केला. त्याने एकट्या हावडा, कोलकाता येथे 7 कोटींहून अधिक गुंतवणूकदारांची फसवणूक केली असल्याचे वलसान यांनी सांगितले. त्यामुळे त्याला ताब्यात घेण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
