Goa Kala Academy: चौकशी समितीचे स्वागतच! कला अकादमीच्या कुठल्याही चौकशीसाठी तयार : गावडे

कला अकादमीच्या कामाच्या कंत्राटाच्या मूल्यांकनासाठी त्रिसदस्यीय समिती स्थापन
Goa Kala Academy
Goa Kala AcademyDainik Gomantak

Goa Kala Academy: कला अकादमीच्या नूतनीकरणाच्या कामावरून सातत्याने आरोप होत असल्याने या कामाच्या कंत्राटाचे मूल्यांकन करण्याचे सरकारने ठरविले आहे. त्यासाठी त्रिसदस्यीय समिती स्थापन करण्यात आली असून ही समिती ६० दिवसांत अहवाल सादर करणार आहे.

दरम्यान, या निर्णयावर कला आणि सांस्कृतिक मंत्री गोविंद गावडे यांनी प्रतिक्रिया दिली आहे. त्यांनी या निर्णयाचे स्वागत केले आहे. कला अकादमीवर बरीच चर्चा सुरू आहे.आम्ही कोणत्याही चौकशीसाठी तयार आहोत असे गावडे यांनी सांगितले.

Goa Kala Academy
Watch Video : केरळची बोट गोव्यात बुडाली, क्रू सदस्य थोडक्यात बचावले; घटनेचा थरारक व्हिडीओ पाहा

कला अकादमीच्या नुतनीकरण कामाच्या कंत्राटाचेच मुल्यांकन करण्याचा निर्णय राज्य सरकारने घेतला आहे. या कामाच्या कंत्राटाच्या मूल्यांकनासाठी स्थापन केलेल्या या समितीमध्ये डॉ. आशिष रेगे, संदीप प्रभू चोडणेकर व डॉ. के. जी. गुप्ता यांचा समावेश करण्यात आला आहे.

या समितीकडून नूतनीकरणाच्या कामाचा दर्जा तसेच यात वापरलेल्या सामग्रीची तपासणी केली जाण्याची शक्यता आहे. कला अकादमीच्या निविदा प्रक्रियेतील घोटाळा तसेच त्यांच्या खर्चात झालेल्या वाढीवरून विरोधकांनी वेळोवेळी आवाज उठविला होता.

या कथित घोटाळ्याप्रकरणी दक्षता खात्याने केलेल्या चौकशीत तथ्य आढळले. त्यामुळे मूल्यांकन समिती नियुक्तीची शिफारस दोन महिन्यांपूर्वी केली होती.

Goa Kala Academy
Assembly Session Live Updates : मोपा ते 'मनोहर' नामकरणाचा ठराव मुख्यमंत्री विधानसभेत मांडणार

दरम्यान, यापुर्वी कला आणि सांस्कृतिक मंत्री गोविंद गावडे यांनी नूतनीकृत कला अकादमी 8 डिसेंबर रोजी होणार असल्याचे म्हटले होते. तसेच इफ्फी साठीदेखील कला अकादमी संकुल उपलब्ध होईल, असे सांगण्यात आले होते.

कला अकादमीचे काम लवकरात लवकर पूर्ण व्हावे यासाठी शासनाने संबंधित कंत्राटदारावर दबाव आणला नाही. दर्जेदार कामाची मागणी करत असल्याने आम्हाला थोडा संयम बाळगण्याची गरज आहे, असेही ते म्हणाले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com