Health Center: गावात आरोग्य केंद्र नसल्याने चिंबलवासियांची होतेय गैरसोय

आरोग्याची सुविधा हि महत्वाची असून गावातील लोकांना आरोग्याच्या सोयीसुविधा मिळाव्यात अशी मागणी चिंबल ग्रामवासियांनी ग्रामसभेत केली आहे. प्रजासत्ताक दिनानिमित्त गुरुवारी नगरपंचायतीत विशेष ग्रामसभा आयोजित करण्यात आली होती.

त्यावेळी ग्रामस्थांनी आरोग्य केंद्राचा मुद्दा उपस्थित केला. सध्या, गावात आरोग्य केंद्र नसल्यामुळे स्थानिकांना पणजी आरोग्य केंद्र किंवा बांबोळी येथील गोवा वैद्यकीय महाविद्यालयात उपचार घेण्यासाठी जावे लागते, याकडे स्थानिकांनी लक्ष वेधले.

या संबंधी बोलताना चिंबल सरपंच संदेश शिरोडकर म्हणाले कि 'आरोग्य केंद्रासाठी पंचायतीने अनेक जागा बघितल्या होत्या. जेणेकरून भाडेतत्वावर त्याठिकाणी PHC उभारता येईल. मात्र आम्ही बघितलेल्या जागा ह्या आरोग्य अधिकार्‍यांच्या निकषात बसत नसल्याने गावात PHC उभारता येत नाहीय,' तसेच पीएचसी साठी दरमहा 17,000 रुपये भाडे असून, पंचायतीकडे निधी नसल्याने त्याचा भार कोण उचलणार, असा प्रश्न यावेळी उपस्थित झाला.

या प्रश्नी ग्रामस्थानीं "ग्रामपंचायतीने कर थकबाकी वसूल करण्यावर लक्ष केंद्रित केले पाहिजे असा मुद्दा उचलला. या होणाऱ्या कर वसुलीची रक्कम PHC साठी भाडे देण्यासाठी वापरले जाऊ शकते" असा सूर या सभेत निघाला होता.