Panaji Traffic Video: 'अटल सेतू' बंदचा प्रवाशांना फटका, तब्बल चार तास वाहतूक ठप्प

अटल सेतू वाहतुकीसाठी पूर्णपणे बंद केल्याने सर्व वाहने जुना व नवीन मांडवी पुलावरून धावू लागली.
Panaji Traffic Video
Panaji Traffic VideoDainik Gomantak

Panaji Traffic Video: मांडवी नदीवरील अटल सेतू 27 मार्चपर्यंत दिवसा व रात्री वाहतुकीस बंद राहणार आहे. याबाबतचे आदेश उत्तर गोवा जिल्हाधिकारी मामू हागे यांनी जारी केले आहेत. दरम्यान, अटल सेतू वाहतुकीस बंद केल्यानंतर त्याचा या मार्गावरील वाहतुकीवर मोठा परिणाम झाला असून, यामुळे जवळपास तीन तास वाहतूक कोंडी झाली होती.

अटल सेतू वाहतुकीसाठी पूर्णपणे बंद केल्याने सर्व वाहने जुना व नवीन मांडवी पुलावरून धावू लागली. यामुळे पर्वरी, म्हापसा दिशेने जाणाऱ्या वाहनांची या मार्गावर मोठी कोंडी झाली.

दुरुस्तीच्या कामामुळे अटल सेतू 17 ते 27 मार्चपर्यंत दिवसा आणि रात्रीच्या वेळी वाहतुकीस बंद राहणार आहे. याबाबत आदेश उत्तर गोवा जिल्हाधिकारी मामू हागे यांनी जारी केले आहेत. अटल सेतूवरील दुस्तीचे काम केले जाणार आहे. यासाठी मोठ्या अवजड मशीन्सचा वापर केला जाणार असून, याकाळात पुल वाहतुकीसाठी पूर्णपणे बंद राहणार आहे.

याचा फटका आज या मार्गावर प्रवास करणाऱ्या प्रवशांना बसला, सोमवार असल्याने ऑफिससाठी जाणाऱ्या लोकांची मोठी वर्दळ या मार्गावर असते, शिवाय पर्यटक देखील या मार्गाचा वापर करत असतात.

दरम्यान, अटल सेतू बंद असल्याने पर्वरी, म्हापसा मार्गावर वाहतूक कोंडी झाली. यामुळे तब्बल चार तास वाहतुक ठप्प झाल्याचे दिसून आले.

Panaji Traffic Video
South Goa: दक्षिण गोव्यातील घर, हॉटेल-लॉजिंग, शॅक मालकांनो भाडेकरू ठेवताय? मग लवकर करून घ्या हे काम अन्यथा...

यापूर्वी जुना आणि नवीन मांडवी पुल देखील बंद करण्यात आले होते.

दुरूस्तीच्या कामानिमित्त यापूर्वी नदीवरील जुना आणि नवीन मांडवी पुल देखील बंद करण्यात आला होता. दुरूस्ती आणि देखभालीच्या कामानिमित्त रात्रीच्या वेळेत या मार्गावरील देखील वाहतूक बंद ठेवण्यात आली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com