एफसी गोवा संघात युवा मध्यरक्षक

19 वर्षीय खेळाडू: आयुष छेत्री याच्याशी तीन वर्षांचा करार
FC Goa
FC Goa Dainik Gomantak

पणजी: मिझोराममधील 19 वर्षीय मध्यरक्षक आयुष छेत्री याच्याशी एफसी गोवा संघाने तीन वर्षांचा करार केला आहे. 2025 मधील मोसमअखेरपर्यंत तो संघात असेल. आय-लीग फुटबॉल स्पर्धेच्या 2021-22 मोसमात ऐजॉल एफसीतर्फे खेळलेल्या आयुषने तीन गोल नोंदविले होते. इंडियन सुपर लीग (आयएसएल) स्पर्धेतील संघाने त्याची प्रथमच निवड केली आहे. (Ayush Chhetri from Mizoram has signed a three-year deal with FC Goa )

FC Goa
वीज खांबावरील इंटरनेट केबल मुरगाव नगरपालिका लवकरच कापणार

‘‘भारतीय फुटबॉलमध्ये एफसी गोवा हा एक उत्कृष्ट संघ आहे आणि या संघात रुजू होताना मला आनंद होत आहे. आयएसएल स्पर्धेत खेळणे हे माझे मोठे स्वप्न आहे आणि ती संधी दिल्याबद्दल मी एफसी गोवाचा अत्यंत आभारी आहे,’’ अशी प्रतिक्रिया आयुष याने करारपत्रावर सही केल्यानंतर सांगितले. ‘‘मध्यरक्षक असल्याने मला चेंडूवर नियंत्रण राखणे आवडते.

हा संघ माझ्यासारख्या फुटबॉलपटूंना उत्तेजन देतो, वर्चस्व राखून खेळण्याची त्यांची शैली आहे, त्यामुळे मी या संघाकडे आकृष्ट झालो. व्यवस्थापनाशी चर्चा केल्यानंतर या संघाच्या नियोजनात महत्त्वाची भूमिका असेल हे मी जाणले,’’ असे एफसी गोवाशी करार करण्याबाबत आयुष म्हणाला.

FC Goa
मुंडवेल वाडे,वास्को येथे बर्निंग बाईकचा थरार

एफसी गोवाने भविष्यकालीन नियोजनावर लक्ष केंद्रित करून आयुषला करारबद्ध केले आहे. गेली काही वर्षे भारतीय फुटबॉलमधील उज्ज्वल भवितव्य असलेला खेळाडू असे त्याला मानले जाते आणि आम्ही त्याला योग्यवेळी संघात आणले आहे. गतमोसमातील आय-लीगमधील त्याची कामगिरी पाहता, तो आयएसएल स्पर्धेतील खेळाडूंच्या खांद्याला खांदा भिडवून खेळण्यास सज्ज झाल्याचे जाणवते, अशी प्रतिक्रिया एफसी गोवाचे फुटबॉल संचालक रवी पुस्कुर यांनी दिली.

आश्वासक उदयोन्मुख फुटबॉलपटू

- मिझोराममध्ये जन्मलेला आयुष छेत्री वयाच्या पाचव्या वर्षीपासून फुटबॉल मैदानावर

- युवा कारकिर्दीत ऐजॉल एफसीच्या 15 आणि 18 वर्षांखालील संघाचे प्रतिनिधित्व

- 2021-22 मध्ये ऐजॉल एफसीच्या सीनियर संघात बढती, आय-लीग पदार्पण

- आय-लीगमध्ये 19 वर्षीय खेळाडूचे 10 सामने, 3 गोल,

- यावर्षी 1 एप्रिल रोजी गोकुळम केरळाविरुद्ध पहिला आय-लीग गोल

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com