भाजपच्या प्रदेश उपाध्यक्षपदी बाबू कवळेकर यांची निवड

माजी आमदार दयानंद सोपटे यांची पक्षाच्या सचिवपदी निवड करण्यात आली आहे.
भाजपच्या प्रदेश उपाध्यक्षपदी बाबू कवळेकर यांची निवड
Babu KavalekarDainik Gomantak

पणजी : माजी उपमुख्यमंत्री चंद्रकांत ऊर्फ बाबू कवळेकर यांची बुधवारी पक्षाच्या राज्य उपाध्यक्षपदी निवड केल्याची माहिती भाजपचे प्रदेशाध्यक्ष अध्यक्ष सदानंद शेट तानवडे यांनी दिली. बाबू कवळेकर यांच्याबरोबरच साळगावचे माजी आमदार जयेश साळगावकर आणि पेडण्याचे माजी आमदार दयानंद सोपटे यांची पक्षाच्या सचिवपदी निवड करण्यात आली आहे.

Babu Kavalekar
लोहिया मैदानावर होणार यंदाचा क्रांतिदिन?

पक्षाच्या झालेल्या बुथ सशक्तीकरण कार्यक्रमात ही घोषणा करण्यात आली. यावेळी मुख्यमंत्री प्रमोद सावंत, केंद्रीय पर्यटन राज्यमंत्री श्रीपाद नाईक, पक्षाचे संघटन सचिव सतीश धोंड, राज्यसभा खासदार विनय तेंडुलकर, सरचिटणीस दामू नाईक उपस्थित होते. येत्या काळात केंद्र आणि राज्य सरकारच्या विविध योजनांची अमलबजावणी करण्यासाठी पक्षकार्य महत्त्वाचे असून, यासाठी सक्षम नेत्यांची पक्षाला गरज असल्याचे मत मुख्यमंत्री सावंत यांनी व्यक्त केले. केंद्राबरोबर राज्य सरकारच्या विविध योजनांची अमलबजावणी करण्यासाठी नोडल अधिकाऱ्यांची नियुक्ती केली जाणार असल्याचे मुख्यमंत्री सावंत यांनी सांगितले. मुख्यमंत्री सावंत यांनी कवळेकर, साळगावकर व सोपटे यांची घोषणा करीत त्यांचे पुष्पगुच्छ देऊन अभिनंदन केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com