कोमुनिदाद दुरुस्तीनंतर मुलींनाही हक्क : महसूलमंत्री बाबूश मोन्सेरात

दुरुस्ती प्रस्ताव अद्याप निश्चित नाही
कोमुनिदाद दुरुस्तीनंतर मुलींनाही हक्क : महसूलमंत्री बाबूश मोन्सेरात
Babush MonserrateDainik Gomantak

पणजी : कोमुनिदाद संहितेच्या कायद्यात वेळेनुसार बदल होण्याची गरज आहे. मुलांबरोबर मुलींनाही समान हक्क देण्याच्या दृष्टीने कोमुनिदाद कायद्यात दुरुस्ती करण्याचा प्रस्ताव असून अजून तो निश्‍चित झालेला नाही. येत्या अधिवेशनात ही दुरुस्ती येण्याची शक्यता नाही. कोमुनिदाद कायद्यात दुरुस्ती झाल्यास मुलींनाही समान हक्क मिळेल, असे मत महसूलमंत्री बाबूश मोन्सेरात यांनी व्यक्त केले.

Babush Monserrate
तम्नार प्रकल्पाला विरोध केला नाही : सुदिन ढवळीकर

कोमुनिदाद जमिनीवर कायद्यात फक्त मुलांनाच हक्क आहे. तो मुलींना मिळत नसल्याने त्यांच्यावर अन्याय होतो. एखाद्याला जर मुलीच असतील, तर कोमुनिदादचा हक्क त्याच्या वारसाला मुलगी म्हणून नाकराणे योग्य नाही. त्यामुळे ही दुरुस्ती आणण्याची गरज आहे. सध्या हा दुरुस्ती प्रस्तावावर सूचना मागवण्यात येत असल्याने तो प्रलंबित आहे, असे मंत्री मोन्सेरात म्हणाले.

Babush Monserrate
जमीन बळकाव प्रकरणात आणखी एका संशयिताला अटक

सरकारने कोमुनिदाद संहितेच्या कायद्यात आणखी दुरुस्ती विधेयक आणण्याचा प्रयत्न सुरू आहे. मात्र, त्याबाबत मला माहीत नाही व जेव्हा तो मंत्रिमंडळासमोर येईल तेव्हा समजेल. या दुरुस्तीचा प्रस्ताव मी मंत्रिपदाचा ताबा घेण्यापूर्वी आला असण्याची शक्यता नाकारता येत नाही. कोमुनिदादने अतिक्रमण केलेल्यांविरुद्ध कारवाई केली नाही व ज्यांनी आता तेथे बांधकामे केली आहेत त्यांना नियमित करण्याचा निर्णय घेतल्यास त्याला विरोध होऊन हक्क हिरावून घेत असल्याचा आरोप केला जात आहे, असे मोन्सेरात यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com