धावे सत्तरीत अंतर्गत रस्ते खड्डेमय

Bad Roads in Goa : डांबर गेले वाहून ; पावसाळ्यात भेडसावणार मोठी समस्या
धावे सत्तरीत अंतर्गत रस्ते खड्डेमय
Bad Roads in GoaDainik Gomantak

वाळपई : सत्तरी तालुक्यात ग्रामीण भागात आजही साधन सुविधांची वानवा आहे. काही गावात अजूनही रस्त्यांची दुरुस्ती झालेली नाही. नगरगाव पंचायत क्षेत्रातील धावे गावातील मारुती मंदिराकडे व लोकवस्तीत जाणारा अंतर्गत रस्ता अतिशय खराब झालेला आहे. त्यामुळे नागरिकांना वाहन चालविण्यास अत्यंत त्रासदायक ठरत आहे.

Bad Roads in Goa
वटपौर्णिमेच्या साहित्यासाठी डिचोलीत गर्दी

रस्त्याची दुरावस्था झाल्याने पावसाळ्यात वाहनचालकांना मोठ्या समस्येला तोंड द्यावे लागणार आहे. रस्त्यावरील डांबर पूर्णतः गेल्याने खड्ड्यातूनच चालकांना वाट काढावी लागत आहे. धावेतील नागरिक संदेश गाडगीळ यांनी याबाबत संताप व्यक्त केला आहे. धावे गावातील इतर ठिकाणच्या वाड्यावर रस्ते डांबरीकरण करण्यात आलेले आहेत. मात्र, मारुती मंदिर व लोकवस्तीत जाणाऱ्या रस्त्याकडे दुर्लक्षच केल्याने त्यांनी आश्चर्य व्यक्त केले आहे.

भाजपलाच मताधिक्य; तरीही..!

आतापर्यंतच्या निवडणूक इतिहासात धावे गावात प्रत्येकवेळी भाजपलाच अधिक मताधिक्य मिळाले आहे. विशेष म्हणजे या वाड्यावरील बहुतांश मतदार नागरिक हे भाजप समर्थक आहेत. अगदी आरोग्यमंत्री काँग्रेसमध्ये असताना देखील धावे गावात पंचायत निवडणूक, विधानसभा, जिल्हा पंचायत निवडणुकीत भाजपलाच आघाडी मिळत आलेली आहे. आता तर खुद्द राणेच भाजपमध्ये असल्याने धावे गावात प्रचंड आघाडी मिळाली होती. तरीही येथील रस्त्याचे डांबरीकरण होत नसल्याने लोकांनी आश्चर्य व्यक्त केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com