धक्कादायक! मृत व्यक्तीच्या नावे ‘बार’ परवाना

ॲड. रॉड्रिग्स यांची तक्रार: अबकारी खात्याची कारणे दाखवा नोटीस
Bar industry in Goa
Bar industry in GoaDainik Gomantak

पणजी: बेकायदेशीरपणे तसेच मृत व्यक्तीच्या नावे बारच्या परवान्याचे नूतनीकरण केल्याने अबकारी खात्याने आसगाव येथील सिली सोल कॅफे अँड बारचे अँथनी गामा याला कारणे दाखवा नोटीस बजावली आहे. त्यांचा परवाना रद्द का करू नये, या नोटिशीला सात दिवसांत उत्तर द्यावे. उत्तर न दिल्यास परवाना रद्द करण्यात येईल.

(Bar license in the name of the deceased in goa)

Bar industry in Goa
Sudin Dhavalikar : भूमिगत वीजवाहिन्यांसाठी ‘तम्नार’ला पर्याय नाही

अँथनी गामा किंवा त्यांच्या प्रतिनिधीने तसेच तक्रारदार रॉड्रिग्स यांनी येत्या 29 जुलैला सकाळी 11 वा. अबकारी कार्यालयात सुनावणीस उपस्थित राहण्याचे निर्देश आयुक्त नारायण गाड यांनी दिले आहेत.

सिली सोल कॅफे अँड बारच्या परवन्याचे नूतनीकरण मृताच्या नावाने केले असून हा परवाना बनवेगिरी करून घेतला आहे, अशी तक्रार ॲड. आयरिश रॉड्रिग्ज यांनी केली आहे. या तक्रारीच्या आधारे अबकारी खात्याने ही नोटीस बजावली आहे. अबकारी खात्याचा बार परवाना नावावर असलेली व्यक्ती 17 मे 2021 रोजी मृत झाली असूनही गेल्या जून 2022 मध्ये त्याचे नूतनीकरण केले आहे, असा दावा केला आहे. त्यामुळे संबंधितांवर कारवाईची मागणी रॉड्रिग्स यांनी केल्याचे नोटिशीत गाड यांनी नमूद केले आहे.

Bar industry in Goa
1979 वाहन चालकांचे परवाने निलंबित करण्याची शिफारस वाहतूक खात्याकडे

परवाना अन्य नावे वर्ग न केल्याने नियमभंग

‘आरटीआय’अंतर्गत सविस्तर माहिती घेऊन तक्रारदाराने तक्रारीसोबत जोडली आहे. या कागदपत्रांची तपासणी केली असता अँथनी गामा यांच्या नावे बार परवान्यासाठी 22 जून 2022 रोजी अर्ज करून त्यांच्या नावे सही केली आहे. सहा महिन्यानंतर परवाना दुसऱ्याच्या नावे केला जाईल, असे त्यात नमूद केले होते. परवाना धारकाचे निधन झाल्याने तो परवाना अन्य नावे करून बारचे नूतनीकरण न केल्याने अबकारी ड्युटी कायद्याचे उल्लंघन आहे, असे नोटिशीत म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com