Bauxite Transport: वास्‍कोत आता बॉक्साईटचा मारा!

रस्‍ते माखले : रस्‍त्‍यांसह घरांमध्‍ये धुळीचे साम्राज्‍य
Bauxite Transport
Bauxite TransportDainik Gomantak

Bauxite Transport वास्को येथील आयओसी जंक्शनपासून सडा मुरगाव राष्ट्रीय महामार्गावर बॉक्साईट सांडल्याने सर्वत्र धुळीचे साम्राज्य पसरले आहे.

ही धूळ लोकांच्या घरात घुसल्याने परिसर प्रदूषित झाला आहे. एमपीएकडून साफसफाई होत नसल्याने लोकांच्या घरांमध्‍ये कोळशाबरोबर आता बॉक्साईटचा मारा सुरू झाला आहे.

मुरगाव बंदरात 10 व 11 बर्थवर जहाजातून बॉक्साईट आले आहे. ते जहाजातून उतरवून ट्रकमध्ये लोड केल्यानंतर त्याची वाहतूक रस्तामार्गे कर्नाटकात केली जाते.

दरम्यान, वाढत्या प्रदूषणामुळे वास्कोत कोळसा व बॉक्साईट वाहतूक बंद करण्यात आल्याने 9 नंबर गेटमधून सदर वाहतूक न करता गेट क्र. 1 हार्बर येथून करण्यात येते. जेव्हा मुरगाव बंदरात हार्बर ब्रेक वॉटर धक्‍क्यावर पर्यटक जहाजांचे आगमन होत असते, तेव्हा वाहतूक गेट क्र. 1 मधून करण्‍यात येते.

Bauxite Transport
Goa Mining Case: गोवा फाऊंडेशनने जपले गोंयकारपण

लोकांच्‍या आरोग्‍याला मोठा धोका

ट्रकांमधून करण्यात येणाऱ्या बॉक्साईट वाहतुकीमुळे भररस्त्यावर त्‍याची भुकटी सांडत असल्याने येथील राष्ट्रीय महामार्ग कोळशाबरोबर बॉक्साईटमुळे लालेलाल झालेला दृष्‍टिपथास पडतो. या राष्ट्रीय महामार्गावर दिवसागणिक शेकडो वाहनांची वर्दळ असते.

तसेच पादचाऱ्यांची वर्दळ असते. राष्ट्रीय महामार्गावर टेकडीवर लोकवस्ती आहे. बॉक्साईट व कोळसा वाऱ्याच्या प्रवाहामुळे लोकांच्या घरात घुसतो व याचा त्रास सहन करावा लागतो. शिवाय वाहनचालकांनाही धुळीमुळे मन:स्‍ताप सहन करावा लागतोय.

परिणामी अपघाताबरोबर आजार बळावण्याचा धोकाही निर्माण झाला असून लोक भयभीत झालेले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com