Beach Wedding In Goa : किनाऱ्यावरील विवाह सोहळे, कार्यक्रम महागले; अधिसूचना जारी

विविध श्रेणींच्या छाननी शुल्कात लक्षणीय वाढ; पर्यटन व्यावसायिकांना फटका
Goa Beach Wedding
Goa Beach WeddingDainik Gomantak

गोवा हे ‘वेडिंग डेस्टिनेशन’ आहे. फेसाळत्या लाटांच्या सान्निध्यात निसर्गाच्या साक्षीने विवाह साकारणे हा आज-काल प्रतिष्ठेचा विषय बनला आहे. अनेकजण अशाप्रकारे विवाह करण्यासाठी गोव्यात येतात. मात्र, यंदापासून किनारी भागातील या सोहळ्यांसाठीचे शुल्क वाढवण्यात आले आहे. त्याचा फटका पर्यटन व्यावसायिकांसह सामान्यांनाही बसू शकतो.

गोवा किनारी क्षेत्र व्यवस्थापन प्राधिकरणाने किनारी भागातील विविध संरचनेच्या छाननी शुल्कात लक्षणीय वाढ केली आहे. त्याला पर्यावरण विभागानेही मंजुरी देत अधिसूचित केले आहे. त्यामुळे किनारी भागातील साधनसुविधा निर्मितीसह कार्यक्रमही महागले आहेत.

Goa Beach Wedding
Pre-Monsoon Work: मान्सूनपूर्व कामे त्वरित पूर्ण करण्याच्या अधिकाऱ्यांना सूचना; हेल्पलाईनबाबत रोहन खवंटे म्हणाले...

किनारी भागातील सुधारित शुल्क असे...

  1. तात्पुरती संरचनेचा उभारणीसाठी परवानगी. (उदा. झोपडी/तंबू) : शॅकसाठी १ हजार प्रति चौ.मी. आणि झोपडी/कॉटेज/तंबूसाठी ५०० रु. प्रति चौ.मी. (७ वर्षांसाठी नवी परवानगी).

  2. बीच वेडिंग / कार्यक्रम / सेटअपसाठी परवानगी : १ लाख रुपये प्रतिदिन (शाळा/संस्थेसाठी ७५ टक्के सवलत आणि सरकारी विभाग/चॅरिटेबल ट्रस्टसाठी ५० टक्के सवलत)

  3. हॉटेल/रिसॉर्टच्या नवीन बांधकामासाठी परवानगी : १ हजार रुपये प्रति चौ. मी. (अंगभूत क्षेत्र)

  4. नवीन बंधाऱ्याची भिंत/रिटेनिंग वॉल/कम्पाउंड वॉल/संरक्षक भिंतीसाठी परवानगी : २५ हजार रुपये सामान्य, तर ५० हजार रुपये व्यावसायिक वापर म्हणजे हॉटेल/रिसॉर्ट/बीच रिसॉर्ट/हॉटेल व्हिला यांसाठी.

  5. बैठकीत निर्णय : राज्य पर्यावरण विभागाने ‘जीसीझेडएमए’च्या प्रस्तावित शुल्कवाढीला मंजुरी देत ती अधिसूचित केली आहे. किनाऱ्यांवर तात्पुरती संरचना, विवाह सोहळे, इतर कार्यक्रम, हॉटेल्सचे बांधकाम यासारख्या श्रेणी शुल्कात भरीव वाढ केली आहे. रिसॉर्ट व इतर सुधारित शुल्काचा प्रस्ताव ९ मार्च रोजी ‘जीसीझेडएमए’च्या बैठकीत घेतला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com