डिचोली : नृत्य कलाविष्कार आदी कार्यक्रमांसह पिळगाव येथील बालभवन केंद्राचा ‘गुणदर्शन’ सोहळा उत्साहात साजरा करण्यात आला. आयडियल हायस्कूलतर्फे बालभवन केंद्र चालविण्यात येत आहे. आयडियल हायस्कूलच्या डॉ. राममनोहर लोहिया सभागृहात मंगळवारी हा सोहळा आयोजित करण्यात आला होता.
या सोहळ्यास प्रमुख पाहुणे म्हणून बालभवन-पणजीचे कार्यक्रम संचालक शशिकांत पुनाजी उपस्थित होते. अन्य मान्यवरात शिक्षणतज्ञ आणि आयडियल हायस्कूल शिक्षण संस्थेचे अध्यक्ष रामचंद्र गर्दे, मुख्याध्यापक ज्ञानेश्वर गावकर, पिळगाव बालभवन केंद्राचे अध्यक्ष तुकाराम साळगावकर आणि निवृत्त शिक्षिका दीपाली गोवेकर उपस्थित होते.
‘कौशल्य शिक्षण ही काळाची गरज आहे. मोबाईल आणि टिव्हीमुळे मुलांवर दुष्परिणाम होत असतात. दुष्परिणामांपासून मुलांना अलिप्त ठेवायचे असल्यास बालभवन योग्य पर्याय आहे’, असे मत रामचंद्र गर्दे व्यक्त केले. ज्ञानेश्वर गावकर, तुकाराम साळगावकर यांनी विचार मांडले. केंद्राची शिक्षिका रितू गावडे यांनी सूत्रसंचालन केले.
विद्यार्थ्यांच्या कलागुणांचे कौतुक
बालभवन केंद्रातील शिक्षकांच्या मार्गदर्शनाखाली मुलांनी नृत्य आदी कला सादर केल्या. मुलांनी मातीपासून सुंदर अशा वेगवेगळ्या कलाकृती तयार केल्या होत्या. गुणदर्शन सोहळ्यानिमित्त या कलाकृतींचे प्रदर्शनही यावेळी भरविण्यात आले होते. मुलांनी रंगवलेली चित्रेही या प्रदर्शनात मांडली होती. उपस्थित पालकांनी या प्रदर्शनाचा लाभ घेवून मुलांच्या कलागुणांचे कौतुक केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
