Bicholim Market: वीज कनेक्शन तोडल्याने बाजारात अंधार; विक्रेते संतप्त

उद्यापर्यंत बाजार संकुलातील वीज पुरवठा पूर्ववत न केल्यास ''सोपो''भरणार नाही. असा इशारा संतप्त विक्रेत्यांनी दिला आहे.
Bicholim Market
Bicholim MarketDainik Gomantak

Bicholim Market: बाजार संकुलातील विजेचे बिल पालिकेतर्फे नियमितपणे भरण्यात येते. कोणतीही थकबाकी नाही. तांत्रिक प्रश्नामुळे हा गोंधळ झाला असावा. बाजार संकुलातील काही मात्र दुकानदारांनी विजेच्या बिलाचा भरणा केलेला नाही. त्यांची वीज जोडणी तोडण्यात आलेली.

विक्रेत्यांनी विनाकारण गैरसमज करुन घेऊ नये, असे नगराध्यक्ष कुंदन फळारी यांनी त्यांच्याशी संपर्क साधला असता सांगितले. ऐन आठवडी बाजाराच्या दिवशीच डिचोलीतील बाजार संकुलात अंधार पसरल्याने बाजारातील लहान -सहान विक्रेत्यांना मोठा फटका बसला. सायंकाळी धंदा झाला नसल्याने संतप्त विक्रेते एकवटले.

Bicholim Market
Goa Politics: म्हापसा नगराध्यक्षांचा राजीनामा अखेर मंजूर

उद्यापर्यंत बाजार संकुलातील वीज पुरवठा पूर्ववत न केल्यास ''सोपो''भरणार नाही. असा इशारा संतप्त विक्रेत्यांनी दिला आहे. आधीच बाजार संकुलात वीज पुरवठ्याची समस्या आहे. त्यातच ग्राहकांची वर्दळही कमी असते.

त्यामुळे धंदा व्यवस्थित होत नाही. आठवडी बाजार म्हणजे धंदा करण्याचा दिवस. मात्र नेमका आठवडी बाजाराच्या दिवशी बाजारात काळोख पसरल्याने विक्रेत्यांसमोर मोठी समस्या निर्माण झाली. या संकुलातील दुकाने बंद झाल्यानंतर तर काळोखाचे साम्राज्य पसरले होते.

सकाळपासून विक्रेते संतप्त

पालिकेने वीज बिल भरले नसल्याने काल सकाळी बाजार संकुलातील वीज कनेक्शन तोडण्यात आले.पालिका आमच्याकडून नियमितपणे सोपो गोळा करते.

तरीदेखील वीज बिल भरण्याबाबतीत हलगर्जीपणा झाल्याबद्दल माया च्यारी, श्री. गावकर आदी विक्रेत्यांनी तीव्र नाराजी व्यक्त केली. उद्यापर्यंत वीज पुरवठा सुरळीत न झाल्यास ''सोपो''देणार नाही, असा इशारा या विक्रेत्यांनी दिला आहे.

Bicholim Market
Goa Politics: भाजपाचे थांबा व पहा!

बिल भरणा नियमित

बाजार संकुलातील विजेचे बिल पालिकेतर्फे नियमितपणे भरण्यात येते. कोणतीही थकबाकी नाही. तांत्रिक प्रश्नामुळे हा गोंधळ झाला असावा. बाजार संकुलातील काही मात्र दुकानदारांनी विजेच्या बिलाचा भरणा केलेला नाही.

त्यांची वीज जोडणी तोडण्यात आलेली. विक्रेत्यांनी विनाकारण गैरसमज करुन घेऊ नये, असे नगराध्यक्ष कुंदन फळारी यांनी त्यांच्याशी संपर्क साधला असता सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com