Mahadayi Water Dispute: मोठ्या भावाची दमदाटी खपवून घेतली जाणार नाही; सरदेसाईंचा बोम्मईंना ईशारा

आम्ही शेवटपर्यंत तुमच्याशी लढू! : विजय सरदेसाई
Vijay Sardesai And Basavaraj Bommai on Mahadayi
Vijay Sardesai And Basavaraj Bommai on Mahadayi Dainik Gomantak

Mahadayi Water Dispute: कर्नाटकचे मुख्यमंत्री बसवराज बोम्मई यांनी काही दिवसांपूर्वी म्हादई विषयावर प्रतिक्रिया दिली होती. यावर गोव्याच्या मुख्यमंत्र्यांनी प्रतिक्रिया दिली नाही. मुख्यमंत्री डॉ. प्रमोद सावंत यांनी कर्नाटकच्या मुख्यमंत्र्यांना प्रत्युत्यर न दिल्याने मुख्यमंत्र्यांवर गोवा फॉरवर्डचे अध्यक्ष व आमदार विजय सरदेसाई यांनी टिका केली आहे. तसेच बोम्मईंनाही त्यांनी यावेळी ईशारा दिला.

Vijay Sardesai And Basavaraj Bommai on Mahadayi
Goa Congress : गोवा प्रदेश काँग्रेसचे प्रभारी गोव्यात दाखल; प्रदेशाध्यक्ष अमित पाटकर यांनी केले स्वागत

सरदेसाई यांनी ट्विट करत टिका केली आहे. ते म्हणाले, मी गोव्यासाठी गोंयकार म्हणून बोलतोय. बसवराज बोम्मईंच्या उपहासात्मक टीकेला उत्तर देण्यासाठी मी डॉ. प्रमोद सावंत यांची वाट पाहिली. कर्नाटकचे माननीय मुख्यमंत्री, तुमचे राजकारण घरी ठेवा. मोठ्या भावाच्या गुंडगिरीला आम्ही घाबरणार नाही. म्हादईसाठी गोवा खंबीर आणि एकजूट आहे. कोणतीही चूक करू नका, आम्ही शेवटपर्यंत तुमच्याशी लढू! असा ईशार बोम्मईंना आमदार विजय सरदेसाई यांनी दिला आहे.

Vijay Sardesai And Basavaraj Bommai on Mahadayi
Margao Construction: ‘मडगाव रवींद्र भवनचे मेपर्यत काम पूर्ण होणार’

दरम्यान, कर्नाटकच्या मुख्यमंत्र्यांना गोव्याच्या मुख्यमंत्र्यांनी काल संध्याकाळी प्रत्युत्तर दिले आहे. "कुणाला काही म्हणायचे आहे ते म्हणो. आम्ही आमच्या निर्णयावर ठाम आहोत. कायदेशीरदृष्ट्या, तांत्रिकदृष्ट्या आणि राजकीयदृष्ट्या म्हादई बचावासाठी जे काही करण्याची गरज आहे ते आम्ही करत आहोत आणि आम्ही ते यापुढेही करत राहू. म्हादईचा लढा आम्हीच जिंकू", असा विश्वास मुख्यमंत्री डॉ. प्रमोद सावंत यांनी व्यक्त केला आहे.

Vijay Sardesai And Basavaraj Bommai on Mahadayi
E-Stamping: पुढील महिन्यापासून स्टॅम्प पेपरसाठी ई-स्टॅम्पिंग प्रक्रिया राबवणार - बाबूश मोन्सेरात

बोम्मईंच्या आडमुठेपणाच्या भूमिकेवर पंचायतमंत्री माविन गुदिन्हो यांनी प्रतिक्रिया दिली. बसवराज बोम्मई सध्या 'निवडणूक मोडवर' आहेत. त्यामुळे ते काहीही वक्तव्य करु शकतात असा टोला बोम्मईंना लगावला होता.

"येत्या मे महिन्यात कर्नाटकात विधानसभा निवडणुका होत आहेत. त्यामुळे कर्नाटकचे मुख्यमंत्री बसवराज बोम्मई सध्या 'निवडणूक मोडवर' आहेत. त्यामुळे ते काहीही वक्तव्य करु शकतात. परंतु त्याचा आमच्या म्हादई लढ्यावर कोणताच परिणाम होणार नाही. आम्ही ही लढाई जिंकू" असा आशावाद पंचायतमंत्री माविन गुदिन्हो यानी व्यक्त केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com