गोव्यात खून झालेल्या 'त्या' डॉक्टरला गावाकडे दवाखाना उघडायचा होता, पैसेही जमा केले होते...

खून केल्यावर डॉक्टरांचीच गाडी घेऊन पळून जाताना संशयित आरोपींना भिलवाडा राजस्थान येथे अटक करण्यात आली.
Doctor
Doctor Dainik Gomantak

बेतालभाटी येथे राहणाऱ्या डॉ. निर्वाण भारत या 27 वर्षीय आय स्पेशालिस्टचा खून त्यांच्याचकडे स्वयंपाकी म्हणून काम करणाऱ्या सिमांचल परिदा (31) याने आपल्या अन्य तीन साथीदारांच्या मदतीने केल्याचे उघड झाले. खून केल्यावर डॉक्टरांचीच गाडी घेऊन पळून जाताना संशयित आरोपींना भिलवाडा राजस्थान येथे अटक करण्यात आली. त्यापैकी दोघांना गोव्यात देखील आणण्यात आले.

निर्वाण दक्षिण गोव्यातील मडगावपासून 7 किमी अंतरावर भाड्याच्या अपार्टमेंटमध्ये राहत होता. त्याला गोवा आणि बिहारमधील मधेपुरा गावात लोकांच्या सेवेसाठी क्लिनिक उघडण्याची त्यांची इच्छा होती. त्यासाठी त्याने पैसे जमा करून घरी ठेवले होते.

शयित आरोपींनी रोख रक्कम, मोबाईल आणि गाडीच्या चोरीसाठी हा खनू करण्यात आल्याचा प्राथमिक अंदाज पोलिसांनी व्यक्त केला आहे.

दरम्यान, डॉक्टरच्या घरी राहणाऱ्या स्वयंपाक्याने हा हत्येचा कट रचला. 9 फेब्रुवारी रोजी गोवा पोलिसांकडून हत्येची माहिती निर्वाणच्या नातेवाईकांना मिळाली. निर्वाणच्या मृत्यूची बातमी समजताच कुटुंबीयांमध्ये खळबळ उडाली.

Doctor
उत्तरेतील काँग्रेस मुख्यमंत्र्यांनी घेतली प्रमोद सावंत यांची भेट, 'या' महत्वाच्या मुद्यांवर झाली चर्चा

हत्येच्या दिवशी निर्वाणच्या डॉक्टर मित्राने त्याला रात्री उशिरा फोन केल्याचे सांगण्यात येत आहे. त्याने फोन उचलला नाही. त्यानंतर दुसऱ्या दिवशीही हा दवाखान्यातून बेपत्ता होता, त्यानंतर देखील काही माहिती समोर आली नाही. दरम्यान, त्याचे मित्र घरी पोहोचले असता दरवाजा आतून बंद होता. त्यानंतर पोलिसांना माहिती देण्यात आली.

गोवा पोलीस घटनास्थळी दाखल झाल्यानंतर दरवाजा तोडून आत प्रवेश केला. मारेकऱ्यांनी त्याचा मृतदेह हातपाय बांधून बेडच्या पेटीत ठेवला होता. पोलिसांनी तात्काळ तपासाला सुरूवात करत आजूबाजूच्या सीसीटीव्हीची तपासणी सुरू केली.

संशयाची सुई त्याच्यासोबत राहणार्‍या स्वयंपाकीकडे गेली, त्यानंतर पोलिसांनी मोबाईल टेहळणीवरून त्याला राजस्थानमधून अटक केली. निर्वाणच्या मृत्यूनंतर गावकरी मारेकऱ्याला फाशीची शिक्षा देण्याची मागणी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com