Goa Accident : चोर्ला घाटातील अपघातात दुचाकीस्वाराचा जागीच मृत्यू

गोवा-बेळगाव मार्गावरील चोर्ला घाटात अपघातांच्या घटनांमध्ये दिवसेंदिवस वाढ होत असल्याचे दिसत आहे.
Goa Accident in Chorla Ghat
Goa Accident in Chorla GhatDainik Gomantak

Goa Accident : गोवा-बेळगाव मार्गावरील चोर्ला घाटात अपघातांच्या घटनांमध्ये दिवसेंदिवस वाढ होत असल्याचे दिसत आहे. रविवारी कुणकुंबी येथील चेकपोस्टजवळ अपघात होऊन दुचाकीवरील काशिनाथ प्रकाश गावडे (23, रा.चिगुळे, कर्नाटक) याचा जागीच मृत्यू झाला. तर मागे बसलेला महेश रामचंद्र गावडे (29) हा गंभीर जखमी झाला.

मिळालेल्या माहितीनुसार, काशिनाथ व महेश गावडे हे दोघे चुलत भाऊ हणजूण येथील एका रिसॉर्टमध्ये काम करायचे. गणेश चतुर्थीसाठी दोघेही गावी गेले होते. आज दुपारी 1 च्या सुमारास गोव्याकडे येत असताना कुणकुंबी येथील चेकपोस्टजवळ त्यांच्या दुचाकीला अज्ञात वाहनाने धडक दिली. यात गाडी चालवत असलेला काशिनाथ जागीच ठार झाला. तर जखमी झालेल्या महेशला उपचारासाठी बेळगावमधील रुग्णालयात दाखल करण्यात आले आहे. दरम्यान, घाटातील रस्त्यावर काही ठिकाणी खडी पसरल्याने वाहने घसरत आहेत. शिवाय पावसामुळे पडत असलेल्या धुक्यामुळे रस्ताही अस्पष्ट दिसतो.

Goa Accident in Chorla Ghat
IIT Goa : सांगेमध्येही आयआयटीविरुद्ध वाढला स्थानिकांचा विरोध

दरम्यान ओपा-खांडेपार तिठ्यावर गुरुवारी एका कारचालकाने दोन दुचाकी व एका ट्रकला धडक देत रस्त्याच्या कडेने जाणाऱ्या पादचाऱ्याला ठोकरल्याने हा पादचारी व कारचालक दोघेही जखमी झाले. दोघांनाही उपचारांसाठी इस्पितळात दाखल करण्यात आले.

जीए 07 के 5680 या क्रमांकाच्या कारगाडीने चुकीच्या मार्गाने जाऊन खांडेपार येथीलच उदय नागेशकर (57) यांना ठोकर दिली. त्यानंतर एका ट्रकला व दोन दुचाकींनाही या कारचालकाने ठोकरले व स्वतःही जखमी झाला. या अपघातात उदय नागेशकर गंभीर जखमी झाले तर कारचालक अशोक नाईक (66, पाळी) हासुद्धह जखमी झाला. दोघांनाही फोंड्यातील आयडी उपजिल्हा इस्पितळात दाखल करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com