कोपार्डेतील बिंदिया ठरली पहिली होमिओपॅथिक डॉक्टर

सत्तरी धनगर समाजात मुलींचीच चमक
1st Doctor
1st DoctorDainikGomantak

पिसुर्ले: सत्तरी तालुक्यात धनगर समाजात प्रथमच यंदा दोन मुलींनी वैद्यकीय क्षेत्रात उल्लेखनीय कामगिरी करून गोवा वैद्यकीय महाविद्यालयातून एमबीबीएसची पदवी प्राप्त केली आहे. यामूळे समाजाला नावलौकिक मिळवून दिल्याची घटना ताजी असतानाच कोपार्डे सत्तरी येथिल बिंदीया गंगाराम हुमाणे हिने होमिओपॅथिक अभ्यासक्रम पूर्ण केला आहे. ( Bindiya became the first homeopathic doctor )

अशी ती पहिली होमिओपॅथिक डॉक्टर बनल्याने साठ वर्षांची पोकळी भरून काढताना एकाच वर्षात तीन मुली डॉक्टर झाल्याचा आनंद द्विगुणित होत आहे. डॉ. शिवानी मोटे व डॉ. पूनम झोरे यांच्या पाठोपाठ डॉ बिंदिया हुमाणे हीचे देखील सर्वत्र अभिनंदन होत आहे.

1st Doctor
अतिरिक्त जबाबदारीमुळे ‘तो’ ताबा स्वीकारला नव्हता : जोशुआ डिसोझा

पुर्वीच्या काळी सत्तरी तालुक्यातील डोंगराळ भागात राहणारा धनगर समाज गोवा मुक्ती नंतरच्या काळापासून विकासाच्या प्रवाहात येण्यासाठी गावगिऱ्या वाठारांत विसावाला,त्यामुळे गेल्या तीन दशकांपूर्वी शिक्षणापासून कोसो दूर असलेल्या या समाजात हळूहळू शिक्षण स्तरावर बरीच मुले पुढे येत असल्याचे दिसून आले आहे.

1st Doctor
राज्यात नव्या तंत्रज्ञानाच्या आधुनिक फेरीबोटींची गरज : फळदेसाई

त्यामुळे धनगर समाजाच्या मुलांनी शिक्षण क्षेत्रात उच्च भरारी घेतली आहे. असे म्हटले तर वावगे ठरणार नाही. परंतू गोवमुक्ती नंतरच्या काळापासून आज पर्यंत या तालुक्यातील धनगर समाजात अद्याप कोण डॉक्टर बनलेले नाहीत. पण उशिरा का होईना एकाच वर्षात या समाजातील तीन मुलींनी वैद्यकीय क्षेत्रात नेत्रदीपक अशी कामगिरी करुन दाखवली आहे.

डॉ. बिंदिया हुमाणेच्या मेहनतीला सलाम

सत्तरी तालुक्यातील कोपार्डे गावात राहणाऱ्या डॉ. बिंदिया गंगाराम हुमाणे हिचे इयत्ता पहिली ते चौथी पर्यंतचे शिक्षण कोपार्डे येथिल सरकारी प्राथमिक शाळेत झाले. लहान वयातच हुशार असलेल्या बिंदियाने इयत्ता पाचवी ते दहावी पर्यंतचे शिक्षण वाळपई येथिल हनुमान विद्यालयातून पूर्ण केले.

पर्ये येथिल भुमिका उच्च माध्यमिक विद्यालयातून बारावीची परीक्षा उत्तीर्ण केली व वैद्यकीय क्षेत्रात शिक्षण घेण्याचे स्वप्न बघितलेल्या बिंदियाने होमिओपॅथिक डॉक्टर बनण्यासाठी शिरोडा येथील श्री कामाक्षी होमिओपॅथिक वैद्यकीय महाविद्यालय आणि इस्पितळ येथे प्रवेश मिळवून साडेचार वर्षांचा आपला वैद्यकीय अभ्यासक्रम पूर्ण केला. यामूळे सत्तरी तालुक्यांत धनगर समाजा मध्ये पहीली होमिओपॅथिक डॉक्टर बनल्याचा मान मिळवला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com