भाजपने विविध प्रश्नांवर गोव्यातील जनतेची लूट आणि फसवणूक केली; विजय सरदेसाई

भाजपने राजकीय फायद्यासाठी आमच्या म्हादईशी तडजोड केली. अनेक भागांना पिण्यायोग्य पाणी पुरवण्यात ते अपयशी ठरले
Vijai Sardesai
Vijai Sardesai Dainik gomantak

विजय सरदेसाई (Vijai Sardesai) यांनी आमदार म्हणून मागील दोन कार्यकाळात केलेल्या कामाचे दर्शन घडविणारा एलईडी स्क्रीनही रविवारी अमृतनगर परिसरात फिरत होता. यावेळी त्यांचे समर्थक, नगरसेवक आदी उपस्थित होते.

सरदेसाई यांनी अमृतनगरमधील घरोघरी जावून लोकांना सांगितले की, त्यांचा ‘ लोकांच्या सहमतीने विकास’ यावर विश्वास आहे आणि म्हणूनच तोच मंत्र गेली अनेक वर्षे फातोर्डा येथे पाळला जात आहे.

Vijai Sardesai
आदिवासी बहुल राज्‍यांसाठी केंद्राकडून अंदाजपत्रकात 10 टक्के तरतूद

“लोकांना जो विकास पाहिजे तोच झाला पाहिजे असा माझा विश्वास आहे. यासाठी लोकांना विश्वासात घेऊन व चर्चा करुनच आम्ही विकास करत आहोत. मी हा मॉडेल संपूर्ण गोव्यात नेऊ इच्छितो.” असे सरदेसाई म्हणाले.

गोवा फॉरवर्ड (Goa Forward) पक्षाचे अध्यक्ष सरदेसाई म्हणाले की, भाजप (BJP) सरकारने विविध प्रश्नांवर गोव्यातील जनतेची लूट आणि फसवणूक केली आहे. “भाजपने राजकीय फायद्यासाठी आमच्या म्हादईशी तडजोड केली. अनेक भागांना पिण्यायोग्य पाणी पुरवण्यात ते अपयशी ठरले आहे.” असे सरदेसाई म्हणाले.

Vijai Sardesai
घोषणाबाजी म्हणजे विकास नव्हे; परिवर्तन यात्रेत 'आप'चे नोनू नाईक कडाडले

ते म्हणाले की, ‘फ्युचर रेडी फातोर्डा’ फातोर्डातील मुलांना आणि तरुणांना मदत करेल, ज्यातून त्यांना सर्व सुविधा आणि फायदे मिळतील. “आम्ही आमच्या मुलांना चांगल्या सुविधा दिल्या पाहिजेत, मग ते शैक्षणिक क्षेत्र असो किंवा क्रीडा क्षेत्र. आपण त्यांना प्रत्येक क्षेत्रात प्रोत्साहन दिले पाहिजे.” असे ते म्हणाले.

"असाही वेळ येईल जेव्हा इतर मतदारसंघ फातोर्डाच्या मॉडेलचे अनुसरण करतील आणि आम्ही ते गोव्याच्या प्रगतीसाठी पुढे नेऊ." असे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com