गोव्यात ब्लॅक पँथरचा वावर; विश्वजित राणेंनी शेयर केला फोटो

राज्यात झालेल्या व्याघ्र गणने दरम्यान मोले अभयारण्यात कॅमेरा ट्राफमध्ये काळा बिबट्याचा (ब्लॅक पँथर) वावर असल्याचे स्पष्ट झाले आहे.
गोव्यात ब्लॅक पँथरचा वावर; विश्वजित राणेंनी शेयर केला फोटो
Black PantherDainik Gomantak

पणजी: राज्यात झालेल्या व्याघ्र गणने दरम्यान मोले अभयारण्यात काळा बिबट्याचा (ब्लॅक पँथर) वावर असल्याचे स्पष्ट झाले आहे. वनमंत्री विश्वजित राणे यांनी वनखात्याला बिबट्याच्या हालचालीवर निरीक्षण ठेवण्यासाठी अधिक कॅमेरे लावण्यास सांगितले आहे. याबाबत राणे यांनीच ट्विट करत ही माहिती दिली.

राज्यात झालेल्या व्याघ्र गणने दरम्यान मोले अभयारण्यात कॅमेरा ट्राफमध्ये काळा बिबट्याचा (ब्लॅक पँथर) वावर असल्याचे स्पष्ट झाले आहे. वनमंत्री विश्वजित राणे यांनी वनखात्याला बिबट्याच्या हालचालीवर निरीक्षण ठेवण्यासाठी अधिक कॅमेरे लावण्यास सांगितले आहे. याबाबत राणे यांनीच ट्विट करत ही माहिती दिली.

राज्यात वाघेरीसारखे अनेक परिसर आहेत, जे पर्यावरणीयदृष्ट्या संवेदनशील म्हणून जाहीर होणे गरजेचे आहे. यासाठी येत्या सहा महिन्यांत केंद्र सरकारच्या मदतीने वाघेरी वन्यजीव संवेदनशील परिसर म्हणून जाहीर करणार असल्याची माहिती वनमंत्री राणे यांनी दिली याआधी दिली होती.

Black Panther
'गोमेकॉ' प्रवेशद्वाराबाहेर पुन्हा अतिक्रमण

राज्यातील म्हादई अभयारण्य आणि अन्य जंगल मिळून व्याघ्र प्रकल्प म्हणून जाहीर होण्यास आपला विरोध असल्याचे सांगत मंत्री राणे म्हणाले होते की, पर्यावरणीयदृष्ट्या वाघ महत्त्वाचा आहे. त्याबरोबरच स्थानिक लोकांचे हितसंबंध आणि कल्याण महत्त्वाचे आहे. याकरिता जंगल आणि माणूस यांच्या सहजीवनाला महत्त्व दिले पाहिजे. या परिसराला व्याघ्र प्रकल्पाचा दर्जा देण्याची आवश्यकता नाही. सध्या हा परिसर विविध अभयारण्यांनी व्यापलेला आहे. यापुढेही त्याच पद्धतीने त्याचे संवर्धन आणि संरक्षण केले जाईल. व्याघ्र प्रकल्पासाठी मोठ्या बफर आणि कोअर झोनची आवश्यकता असते. गोवा हे अत्यंत लहान राज्य असले तरी 60 टक्क्यांपेक्षा जास्त ग्रीन कव्हर असलेले पहिले राज्य आहे, असेही विश्वजीत राणे पुढे म्हणाले. आता गोव्यात काळा बिबट्याचा दिसल्यानंतर विश्वजित राणे व्याघ्र प्रकल्पाबाबत काय निर्णय घेतात याकडे सर्वांचे लक्ष लागले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.