Colvale Fire: 350 बंब संपले तरी आग विझता विझेना, 28 तासानंतरही भंगारअड्डा धुमसतोय

आगीत एक कामगार गंभीर जखमी झाला असून त्याला गोमेकॉत दाखल केले आहे.
Colvale Fire
Colvale FireDainik Goamantak

Colvale Fire: मुशीरवाडा-कोलवाळ येथील सर्व्हे क्रमांक 429/0 या जागेमधील चार भंगारअड्ड्यांना भीषण आग लागल्याने कोट्यवधी रुपयांचे नुकसान झाले. बुधवारी (ता.28) सकाळी 10.30 वा.च्या सुमारास लागलेल्या या अग्नितांडवावर नियंत्रण मिळविण्याचे काम अग्निशमन दलाकडून अद्याप सुरूच आहे. 28 तास उलटले तरी आग सुरूच असून, आत्तापर्यंत तब्बल 350 पाण्याचे बंब वापरण्यात आले आहेत. या आगीत एक कामगार गंभीर जखमी झाला असून त्याला गोमेकॉत दाखल केले आहे.

Colvale Fire
Goa Fire News: कोलवाळमध्ये 4 भंगारअड्ड्यांना भीषण आग

बुधवारी सायंकाळपर्यंत म्हापसा, पिळर्ण, पर्वरी व पेडणे अग्नीशमन दलाचे मिळून 40 पेक्षा जास्त पाण्याचे बंब वापरले गेले होते. दरम्यान, या घटनेला जबाबदार धरून भंगारअड्डा मालकाविरुद्ध पोलिसांनी गुन्हा नोंद केला आहे. रफान रिझवान खान यांच्या मालकीच्या भंगारअड्ड्यात सकाळी वेल्डिंगचे काम सुरू होते. त्यावेळी त्याची ठिणगी पडून ही आग लागल्याचे सांगण्यात आले. काही वेळात आगीने रौद्ररूप धारण करून इतर शेजारील भंगारअड्ड्यांमध्ये पसरली.

Colvale Fire
Sudin Dhawlikar: ग्राहकांकडे 423.81 कोटींची थकबाकी; वीजमंत्री सुदिन ढवळीकरांची माहिती

दरम्यान, या आग दुर्घटनेला कारणीभूत रिझवान प्लास्टिक इंडस्ट्री या भंगारअड्ड्याचे मालक रिझवान खान व इरफान रिझवान खान यांच्याविरुद्ध निष्काळजीपणामुळे आग लागून त्यामध्ये यासिम अन्सारी शेख (उत्तर प्रदेश) हा कामगार जखमी झाल्याबद्दल कोलवाळ पोलिसांनी भा.दं.सं.च्या 285, 337 व 34 कलमाखाली गुन्हा दाखल केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com