दिवाडीतील लोकांसाठी आनंदाची बातमी, दिवाडी - ओल्ड गोवा पुलाला मुख्यमंत्र्यांची तत्त्वत: मान्यता

दिवाडीतील लोकांसाठी एक आनंदाची बातमी आहे. दिवाडी - जुने गोवा पुलाला मुख्यमंत्री डॉ. प्रमोद सावंत यांनी तत्त्वत: मान्य दिली आहे. जीएसआयडीसीच्या माध्यमातून हा पूल बांधण्यात येणार असल्याचे आमदार राजेश फळदेसाई यांनी सांगितले.

फेरीबोटीमुळे दिवाडीतील लोकांना पणजीपर्यंत पोहोचण्यासाठी बराच वेळ लागतो त्यामुळे हा पूल व्हावा अशी अनेक स्थानिकांची मागणी आहे.

फेरीबोटीमुळे दिवाडीतील लोकांना पणजीपर्यंत पोहोचण्यासाठी बराच वेळ लागतो. त्यामुळे दिवाडी - जुने गोवा पुलाची मागणी बऱ्याचकाळापासून होत आहे. दरम्यान, जागेवरून काही लोकांचा या पुलाला विरोध होण्याची शक्यता आहे.

दिवाडी - जुने गोवा पूल पूर्ण झाल्यावर नार्वे, मये जवळ येतील. तसेच, पुलामुळे जुने गोवा, नार्वे, चोडण जवळ येतील. पुलामुळे पर्यटनाच्या दृष्टीकोनातून देखील फायदा होणार आहे. पुलामुळे नुकतेच जीर्णोद्धार केलेले नार्वे येथील सप्तकोटेश्वर मंदिराला भेटे देणे सोपे होणार आहे. शिवाय, मये तलाव परिसराचे सुशोभीकरण सुरू आहे.

अंतर कमी असले तरी फेरीबोटीमुळे दिवाडीतील लोकांना पणजीपर्यंत पोहोचण्यासाठी अधिक वेळ लागतो. यामुळे या मार्गावरील प्रवाशांना मनस्ताप सहन कारावा लागतो. तसेच, पावासाळ्यात या मार्गावरील प्रवास धोकादायक ठरू शकतो. त्यामुळे पूर्वीपासूनच या पुलाची मागणी होत आहे.

दरम्यान, मु्ख्यमंत्री सावंत यांनी पुलाला तत्त्वत: मान्यता दिली असून, आराखडा तयार झाल्यापासून महिनाभरात निविदा काढल्या जातील, अशी माहिती आहे.