Kadamba Transport: मडगाव रेल्वे स्थानक ते कदंब स्थानक बसेस लवकरच सुरू

रेल्वे स्थानकावरून कदंब बससेवा सुरू करण्यासाठी कदंब परिवहन मंडळाने हिरवा कंदील दाखविला आहे
Kadamba Transport
Kadamba TransportDainik Gomantak

मडगाव येथील कोकण रेल्वे स्टेशनसमोरील पार्किंग प्रकल्पाचे काम पूर्ण होत आले आहे. मल्टीलेवल पार्किंग इमारतीचे काम ही अंतिम टप्प्यात आहे. तसेच रेल्वे स्थानकावरून कदंब बससेवा सुरू करण्यासाठी कदंब परिवहन मंडळाने हिरवा कंदील दाखविला असल्याची माहिती रेल्वेचे जनसंपर्क अधिकारी बबन घाटगे यांनी माहिती दिली.

मडगाव येथील स्टेशनसमोर करण्यात येत असलेल्या पार्किंग प्रकल्पाला केंद्रीय पर्यावरण मंत्रालयाने 25 कोटी रुपयांचा निधी पुरविला आहे. यातील 13 कोटी रुपये मडगाव स्टेशनच्या पार्किंग विस्तारासाठी वापरण्यात आले आहेत. उर्वरित निधी थिवी आणि करमळी स्टेशनसाठी वापरण्यात आला आहे. मडगाव येथील स्टेशनसमोर बस थांबा, पार्किंग शेड अशी कामे पूर्ण झाली आहेत. केवळ मल्टीलेवल पार्किंग प्रकल्पाच्या कामावर शेवटचा हात फिरविण्यात येत आहे.

Kadamba Transport
Goa Dairy: गोवा डेअरीतील घोटाळा चौकशीकडे दीड वर्ष उलटूनही सहकार निंबधकांचे दुर्लक्ष

अशाने येथील सर्व प्रकल्पाची कामे पूर्ण झाली असल्याची माहिती घाटगे यांनी दिली. मडगाव येथील कदंब बस स्थानकापासून कोकण रेल्वे स्थानकापर्यंत प्रवाशांना ये-जा करण्यासाठी बस सेवा सुरू करण्याची प्रक्रिया सुरु असून याला कदंब परिवहन मंडळाने हिरवा कंदील दाखविला आहे आणि येत्या काही दिवसांत ही सेवा सुरू करण्यात येणार असल्याचे घाटगे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com