मंत्रिमंडळाचा विस्तार; ढवळीकरांसह दोन मंत्र्यांचा शपथविधी

तीनही मंत्र्यांनी मराठीमध्ये घेतली पद आणि गोपनीयतेची शपथ
Cabinet Expansion 3 minister takes oath in goa
Cabinet Expansion 3 minister takes oath in goaDainik Gomantak

पणजी : गोव्यात कॅबिनेट मंत्रिमंडळाचा विस्तार अखेर पार पडला आहे. मगोपच्या सुदिन ढवळीकर यांच्यासह थिवीचे भाजप आमदार नीळकंठ हळर्णकर आणि सांगेचे आमदार सुभाष फळदेसाई यांनी राज्यपालांकडून पद आणि गोपनीयतेची शपथ घेतली आहे. राजभवनातील नव्यानेच बांधलेल्या दरबार हॉलमध्ये हा शपथविधी समारंभ झाला आहे.

Cabinet Expansion 3 minister takes oath in goa
तीन बहिणींपाठोपाठ मारिया यांनी केली वयाची शंभरी पार

मंत्रिमंडळ विस्तारानंतर लगेच खातेवाटप करण्याची शक्यता मुख्यमंत्री प्रमोद सावंत (Pramod Sawant) यांनी व्यक्त केली आहे. त्याप्रमाणे उद्या (रविवारी) खातेवाटप केलं जाईल. यापूर्वी रोहन खंवटे यांना मंत्रिमंडळात घेतल्याने हळर्णकर हे बार्देशचे दुसरे भाजप नेते आहेत. सुदिन ढवळीकर (Sudin Dhavalikar) यांना मंत्रिमंडळात घेतल्याने फोंडा तालुक्यात चार मंत्री होणार असले, तरी मगोपच्या प्रस्तावानुसार ढवळीकर यांना मंत्रिपद देण्यात येत आहे. आगामी पंचायत आणि लोकसभा निवडणुका नजरेसमोर ठेवून ढवळीकरांना मंत्रिमंडळात स्थान दिल्याची माहिती आहे.

Cabinet Expansion 3 minister takes oath in goa
फोंड्यातील नागरिक ‘आगीतून फुफाट्यात’

मंत्रिमंडळ विस्तारामध्ये अपक्ष आमदार आलेक्स रेजिनाल्ड लॉरेन्स (Reginald Lawrence) यांचे नाव सुरुवातीपासूनच सर्वाधिक चर्चेत होते. मात्र, स्थानिक आणि केंद्रीय भाजप नेत्यांच्या सूचनेनुसार त्यांना मंत्रिपदाऐवजी महामंडळ देण्याचे ठरल्याची माहिती मिळाली आहे. त्यांच्याऐवजी सुभाष फळदेसाई यांची मंत्रिमंडळात वर्णी लागली आहे. रेजिनाल्ड यांना यापूर्वी उपसभापतीपदाच्या शर्यतीतूनही बाहेर पडावं लागलं होतं. आता मंत्रिपदाबाबतही त्यांना डावलण्यात आल्याने रेजिनाल्ड नेमकी काय प्रतिक्रिया देतात याकडे सर्वाचं लक्ष लागलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com