Calangute Mobile Theft: पर्यटकांचे मोबाईल चोरणाऱ्या तिघांना अटक; कळंगुट पोलिसांची कारवाई

संशयितांकडून 6 मोबाईल फोन आणि 1 लॅपटॉप जप्त
Calangute Police Arrested Mobile Theft
Calangute Police Arrested Mobile TheftDainik Gomantak

Calangute Mobile Theft: पर्यटकांचे मोबाईल व लॅपटॉप चोरी करणार्‍या 3 संशयितांना अटक करण्यात कळंगुट पोलिसांना यश आले आहे. संशयितांकडून 6 मोबाईल फोन आणि 1 लॅपटॉप असा एकूण 1.5 लाखांचा मुद्देमाल पोलिसांनी जप्त केला.

याबाबत अधिक माहिती अशी की, कळंगुटला भेट देणार्‍या पर्यटकांचे मोबाईल चोरणारी टोळी कार्यरत असल्याची माहिती कळंगुट पोलिसांना मिळाली होती. पोलिसांनी मिळालेल्या गुप्त माहितीच्या आधारे कळंगुट परिसरात पाळत ठेवली.

Calangute Police Arrested Mobile Theft
Calangute Crime News : गोव्यातील भाड्याची वाहने कोल्हापूरात विक्री करणाऱ्या दोघांना अटक

यावेळी पोलिसांनी तीघांना संशयितावरुन ताब्यात घेतले. संशयितांची चौकशी केली असता कळंगुट येथे येणाऱ्या पर्यटकांचे मोबाईल लंपास केल्याचे कबूल केले. संशयितांकडून 6 मोबाईल फोन आणि 1 लॅपटॉप असा एकूण 1.5 लाखांचा मुद्देमाल पोलिसांनी जप्त केला.

माजिदोर मोल्ला (35, रा. जुने गोवे, मूळ पश्चिम बंगाल), जोहरुल आलम मुल्ला (27, रा. कळंगुट मूळ पश्चिम बंगाल) व सैफुल आलम (22, रा. बागा, मूळ पश्चिम बंगाल) असे अटक केलेल्या संशयितांची नावे आहेत.

हेड कॉन्स्टेबल विद्यानंद आमोणकर, कॉन्स्टेबल भगवान पालयेकर, गणपत तिळोजी, अमिर गरड व आकाश नाईक या कळंगुट पोलिसांच्या विशेष पथकाने चोरीचा माल हस्तगत केला. पुढील तपास पोलीस निरीक्षक दत्तगुरु सावंत करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com