साखळी येथील एका दुकानात ग्राहक बनून आलेल्या दोघांनी 70 हजार रुपये किमतीचे दोन मोबाईल चोरून पळ काढला. मिळालेल्या माहितीवरून डिचोली पोलिसांनी दोघा संशयितांना अटक केली आहे. विकी अशोक शेळके आणि अरविंद सुरेश साळुंके या संशयितांकडून मोबाईलसह चोरीसाठी वापरलेली (एमएच-04, इडी-5450) या क्रमांकाची कारही जप्त केली आहे.
साखळीतील क्रीडा साहित्य विक्रीच्या दुकानात गुरुवारी ही चोरी झाली होती. याप्रकरणी दुकानमालक रत्नदीप सावंत यांनी शुक्रवारी डिचोली पोलिसांत तक्रार दाखल केली होती. दोघेही संशयित गुरुवारी सायंकाळी पावणेपाच वाजता ग्राहक बनून दुकानात आले आणि सीमकार्डसह सॅमसंग कंपनीचे सुमारे 70 हजार रुपये किमतीचे दोन मोबाईल घेऊन पसार झाले.
पोलिसांनी तक्रार नोंद करून तपास सुरू केला. मिळालेल्या धाग्यादोऱ्यांवरून पोलिसांनी संशयितांना अटक केली. डिचोलीचे पोलिस उपअधीक्षक सागर एकोस्कर आणि पोलिस निरीक्षक सूरज गावस यांच्या मार्गदर्शनाखाली तपास अधिकारी हवालदार राजेंद्र गावस यांच्यासह कॉन्स्टेबल आशीष नाईक आणि शैलेश फडते यांनी संशयितांना अटक केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
