Goa Railway: लांब पल्ल्याच्या गाड्यांना थांबा न दिल्यास करणार ‘रेल रोको'

लांब पल्ल्याच्या रेल गाड्यांना काणकोणात थांबा न दिल्यास पंधरा दिवसानंतर रेल रोको आंदोलनाचा इशारा काणकोणमधील नागरिकांनी दिला आहे.
Goa Railway
Goa RailwayDainik gomantak

Goa Railway: लांब पल्ल्याच्या रेल गाड्यांना काणकोणात थांबा न दिल्यास पंधरा दिवसानंतर रेल रोको आंदोलनाचा इशारा काल काणकोण मधील ज्येष्ठ नागरिक व समविचारी नागरिकांनी दिला आहे.

काल कोकण रेल्वेचे विभागीय व्यवस्थापक बी.पी.निकम यांनी काणकोणात मामलेदार कार्यालयाच्या सभागृहात मामलेदार मनोज कोरगावकर यांच्या उपस्थितीत ‘झीरो बेस पॉलिसी’ मुळे काणकोणात लांब पल्ल्याच्या गाड्यांना थांबा देणे शक्य नसल्याचे स्पष्ट केले.

Goa Railway
Goa National Games: 'गोव्यात यंदा राष्ट्रीय क्रीडा स्पर्धा होणारच'

त्यानंतर नागरिकांनी विभागीय व्यवस्थापक निकम यांना मागणी पूर्ण करण्यासाठी पंधरा दिवसांची मुदत दिली.

यावेळी कोकण रेल्वेचे ज्येष्ठ वाहतूक अधिकारी सुनील नारकर, पोलिस निरीक्षक चंद्रकांत गावस उपस्थित होते.राजेंद्र देसाई,शांताजी नाईक गावकर,अनिल भगत, संदेश तेलेकर, नगरसेवक धीरज नाईक गावकर,बबेश बोरकर, उल्हास भाटीकर यांनी मागण्या मांडल्या. ज्येष्ठ नागरिक व समविचारी संघटनेच्या सदस्यांनी मात्र आंदोलकांनी आम्ही सार्वजनिक मालमत्तेची कोणत्याच प्रकारची हानी करणार नाही.

कोकण रेल्वेसाठी जमिनी कवडी मोलाने दिल्या. कोकण रेल्वेचे स्वप्न साकार व्हावे, यासाठी प्रसंगी पोलिस कोठडी भोगली. त्या काणकोणवासीयांना रेल्वे थांबण्यासाठी उपोषण व आंदोलन छेडावे लागते, ही लांच्छनास्पद बाब असल्याचे ज्येष्ठ नागरिक शांताजी नाईक गावकर यांनी निकम यांना सुनावले.

राजेंद्र देसाई यांनी सांगितले,की आंदोलन व उपोषण करून रेल्वे प्रशासन व सरकारला काणकोणवासीयांच्या भावना कळत नसतील,तर रस्त्यावर उतरू. 13 जानेवारीला ज्येष्ठ नागरिकांनी याच मागणीसाठी रेल्वे स्थानकावर उपोषण केले होते.

Goa Railway
Goa National Games: 'गोव्यात यंदा राष्ट्रीय क्रीडा स्पर्धा होणारच'

सभापतींच्या सूचनेकडे दुर्लक्ष

सभापती रमेश तवडकर यांनी कोकण रेल्वेच्या व्यवस्थापकीय संचालकांना 30 एप्रिल 2022 रोजी पत्र पाठवून काणकोण रेल्वे स्थानकावर मत्स्यगंधा,नेत्रावती व गांधीधाम नागरकोयल या लांब पल्ल्याच्या गाड्यांना थांबा देण्याची सूचना केली होती.

मात्र, रेल्वेकडून निवेदनावर काहीच निर्णय झाला नाही.हा गोवेकरांचा अपमान आहे, असे राजेंद्र देसाई यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com