पणजी : पणजीजवळच असलेल्या बांबोळी येथे कारचा भीषण अपघात झाला आहे. अपघातग्रस्त कार महाराष्ट्रातील असल्याची माहिती असून हा स्वयंअपघात झाल्याचं सांगितलं जात आहे. अपघातात एकजण जखमी झाला असून त्याला जवळच असलेल्या गोमेकॉमध्ये उपचारासाठी दाखल करण्यात आलं आहे.
बांबोळी येथे सोमवारी दुपारी एका कारचा अपघात झाला आहे. दुभाजकाला धडकल्याने कारचा टायर फुटला. या अपघातात एकजण जखमी झाला आहे. जखमीला उपचारासाठी गोमेकॉत दाखल करण्यात आलं आहे. दरम्यान अपघाताचं कारण अद्याप अस्पष्ट असलं तरीही चालकाचं कारवरील नियंत्रण सुटल्यामुळे अपघात झाल्याचं बोललं जात आहे.
गोव्यात अपघातसत्र काही केल्या थांबताना दिसत नाही. रविवारी रात्री उशिरा कुचेली म्हापसा येथे प्रवासी रिक्षाचा अपघात झाल्याची माहिती आहे. या अपघातामध्ये रिक्षा कलंडल्याने रिक्षाचालक गंभीर जखमी झाला आहे. त्याच्यावर उपचार सुरु आहेत. कुचेली येथील पुलावर हा प्रवासी रिक्षाचा अपघात झाला आहे. गोव्यात गेल्या काही दिवसांमध्ये अपघातांचं प्रमाण वाढलं आहे. त्यातच पावसामुळे अनेक ठिकाणी अपघात होत असल्याचं दिसत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
