पणजी : सुकतळी - मोले येथे तीन वाहनांचा विचित्र अपघात पाहायला मिळाला आहे. या भीषण अपघातात तिन्ही वाहनांचं मोठं नुकसान झालं असून एका प्रवाशाचा मृत्यूही झाला आहे. विनय देसाई (35, विजापूर, कर्नाटक) असं या मृत व्यक्तीचं नाव असून कारचंही अपघातात नुकसान झालं आहे.
गोव्यात सकाळपासूनच धुंवाधार पाऊस सुरु असून अनेक ठिकाणी पाणी भरलं आहे. पावसामुळे अनेकठिकाणी झाडांची पडझड झाली असून अनेक ठिकाणी अपघातांची नोंद करण्यात आली आहे. यासोबतच म्हापसा येथील सेंट ब्रिटो हायस्कूलची संरक्षक भिंत कारवर कोसळली. या अपघातात वीज खात्याच्या कर्मचारी अर्चना नाईक गंभीर जखमी झाल्याची माहिती आहे.
गोव्यात पावसाने हाहाकार माजवला असून सोमवारी सकाळपासूनच संपूर्ण गोव्याला पावसाने झोडपून काढलं आहे. मुसळधार पावसामुळे ठिकठिकाणी पाणी साचलं असून अनमोड घाटात दरड कोसळली. सध्या ही दरड हटवण्याचे काम युद्धपातळीवर सुरु असून. वाहतुकीवर परिणाम झाला आहे.
अनमोड घाटात दुधसागर मंदिरापासून खालच्या बाजूला गोवा हद्दीत दरड कोसळल्याची माहिती आहे. दरड कोसळल्याने वाहतूक ठप्प झाली असून दोन्ही बाजूंना वाहनांच्या लांबच लांब रांगा लागल्या आहेत. गोवा-कर्नाटक मार्गावर प्रवास करणाऱ्या प्रवाशांना मात्र दरड कोसळल्याने नाहक मनस्ताप सहन करावा लागत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
