Panjim Accident: राजधानी पणजीमध्ये सकाळीच एक अपघात पाहायला मिळाला. एका इलेक्ट्रिक कारने दुचाकीला जोरदार धडक दिल्यामुळे दुचाकीस्वार जखमी झाला. अपघातात दुचाकीचं मोठं नुकसान झालं असून कारच्या दर्शनी भागाचंही काही प्रमाणात नुकसान झालं आहे. गीता बेकरीसमोरील रस्त्यावर हा अपघात झाला असून अपघातानंतर बघ्यांची गर्दी झाली होती.
पणजीमध्ये वूडलँड शोरुमकडून गीता बेकरीकडे जाणाऱ्या मार्गावर आज शुक्रवारी सकाळीच अपघात झाला आहे. वुडलँड शोरुमकडून येणाऱ्या एका महिला कारचालकाने GA-03 Z-9492 आझाद मैदानाकडून येणाऱ्या दुचाकीस्वाराला Ga-07 AD-1207 जोरात धडक दिली. या अपघातात दुचाकीस्वाराला किरकोळ इजा झाली आहे.
अपघाताची माहिती मिळताच पोलीस अधिकारी लगेच घटनास्थळी दाखल झाले. अचानक दुचाकी समोर आल्यामुळे महिला कारचालक गोंधळली आणि ब्रेकऐवजी तिने एक्सलरेटर दाबल्यामुळे कारची जोरदार धडक दुचाकीला बसली. या अपघातात दोन्ही वाहनांचं नुकसान झालं असून महिला घाबरल्याने अपघात झाल्याचा अंदाज पोलिस अधिकाऱ्यांनी व्यक्त केला आहे. अपघातानंतर काही काळ या भागात बघ्यांची गर्दी जमली होती. पोलिसांनी अपघाताचा पंचनामा केला असून पुढील तपास पणजी पोलिसांकडून सुरु आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
