खांडेपारमध्ये घराला कारची जोरदार धडक

घराची एका बाजूची भिंत कोसळण्या बरोबरच मुख्य भिंतीलाही तडा गेला आहे.
Car dashed home in Ponda
Car dashed home in PondaDainik Gomantak

फोंडा : खांडेपार येथे काल शुक्रवारी दुपारी साडेतीनच्या सुमारास कारची धडक घराला बसून भिंत कोसळल्याने सुमारे अडीच लाखाचे नुकसान झाले आहे. फोंड्याहून उसगावच्या दिशेने जाणाऱ्या GA 03 H 7214 या क्रमांकाच्या भरधाव कारची धडक सामाजिक तथा आरटीआय कार्यकर्ते संदीप पारकर यांच्या घराला बसल्याने मोठे नुकसान झाले आहे.

घराची एका बाजूची भिंत कोसळण्या बरोबरच मुख्य भिंतीलाही तडा गेला आहे. त्यामुळे घराला धोका पोचला आहे. कारचालकाचे नियंत्रण गेल्याने हा अपघात झाला. अपघातग्रस्त कारचालक पोलिस असल्याचे समजते. तो सुदैवाने थोडक्यात बचावला. या रस्त्यावर कायम वर्दळ असते. तसेच दुकानातही ग्राहक असतात. पण दैव बलवतर त्यावेळी वर्दळ नव्हती तसेच भिंत कोसळली त्यावेळी खोलीत कुणी नव्हता. अन्यथा अनर्थ घडला असता. फोडा पोलिसांनी पंचनामा केला.

Car dashed home in Ponda
गोव्यातील 39 गावे अद्यापही 4-जी नेटवर्क सेवेपासून वंचित!

दरम्यान गोव्यात अपघाताचे सत्र सुरूच असून शुक्रवारी पहाटे 4 वाजता दाबोळी -चिखली राष्ट्रीय मार्गावरून वास्कोच्या दिशेने जाणाऱ्या एका चारचाकी वाहनाचा ताबा सुटल्याने कार नाल्यात कोसळली. यामुळे वाहनात असलेले चारजण गंभीररीत्या जखमी झाले. त्यांच्यावर गोवा वैद्यकीय महाविद्यालयात उपचार सुरू आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com