Bethoda Car Accident: बेतोडा येथे वीस मीटर खोल नाल्यात कोसळली कार, सर्व प्रवासी जखमी

Bethoda Car Accident: गोव्यातील अपघातांची मालिका काहीकेल्या थांबण्याचे नाव घेत नाही. बेतोडा येथे वीस मीटर खोल नाल्यात कार कोसळली असून, कारमधील सर्व प्रवासी जखमी झाले आहेत. बुधवारी (दि.18) रात्रीच्या सुमारास ही घटना घडली.

मिळालेल्या माहितीनुसार, बुधवारी रात्री बेतोडा येथे एका स्टील दुकानाजवळील वीस मीटर खोल नाल्यात कार कोसळली आहे. कार कोसळल्यानंतर ती पलटी झाल्याने त्यात असणारे सर्व प्रवासी जखमी झाले आहेत. अपघात झाल्यानंतर स्थानिकांनी कारमधी प्रवाशांना बाहेर काढण्यात आले.

जखमी प्रवाशांना उपचारासाठी रूग्णालयात दाखल करण्यात आले आहे. दरम्यान, हा अपघात कसा झाला, त्यात प्रवासी किती होते ? याबाबत माहिती मिळू शकली नाही.