मडगावात दामोदर महाविद्यालयाजवळ बर्निंग कारचा थरार

गाडीने पेट घेतल्याने लोकांमध्ये एकच गोंधळ; आगीचं कारण अद्याप अस्पष्ट
Car Fire in Madgaon
Car Fire in MadgaonDainik Gomantak

मडगाव : मडगावात आज बर्निंग कारचा थरार पाहायला मिळाला. येथील दामोदर महाविद्यालयासमोर आज शुक्रवारी संध्याकाळी एका गाडीने पेट घेतल्याने लोकांमध्ये एकच गोंधळ उडाला. आगीचं कारण अद्याप स्पष्ट झालं नाही. मात्र शॉर्ट सर्किटमुळे आग लागल्याचा प्राथमिक अंदाज वर्तवला जात आहे.

सदर गाडी खारेबांध येथील एका मॅकेनिककडे दिली होती. त्या गाडीला दोष काय आहेत ते पाहण्यासाठी हा मॅकेनिक गाडी घेऊन जात असता दामोदर महाविद्यालयाजवळ तिने अकस्मात पेट घेतला. लगेच अग्निशमन दलाला पाचारण करण्यात आले पण आगीचा बंब येइपर्यंत गाडी जळून खाक झाली

Car Fire in Madgaon
गोव्यात पावसामुळे ठिकठिकाणी झाडांची पडझड

दरम्यान गोव्यामध्ये पावसाने चांगलाच जोर धरला असून सतत मुसळधार पाऊस कोसळत आहे. मुसळधार पावसामुळे राज्यभरातील ठिकठिकाणी झाड कोसळण्याच्या घटना घडत आहेत. अशा ठिकाणी अग्निशमन दलाचे जवान उपस्थित राहून परिस्थिती आटोक्यात आणण्याचा प्रयत्न करत आहेत.

दोन दिवस पावसाने अजिबात उसंत घेतली नव्हती. यादरम्यान वेळगे-सत्तरी इथल्या प्राथमिक शाळेच्या इमारतीवर काजूचे भले मोठे झाड कोसळले आहे. तसेच कळंगुट येथील गौरावाडो इथल्या शाळेच्या शौचालयावर झाड कोसळले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com