Anjuna Car Accident: हणजुणेत महाराष्ट्रातील कारची दोन दुचाकींना धडक; ग्रामस्थांना कारमध्ये आढळले अमली पदार्थ?

कारचालक नशेत असल्याचा संशय; कारसह दोन्ही दुचाकींचे नुकसान
Anjuna Car Accident
Anjuna Car AccidentDainik Gomantak

Anjuna Car Accident: उत्तर गोव्यातील हणजुणे येथे एका अपघातात एका कारने दोन दुचाकींनी उडवले आहे. सुदैवाने या अपघातात कुणीही जखमी झालेले नाही. तथापि, कारसह दोन्ही दुचाकींचे मात्र मोठे नुकसान झाले आहे. दरम्यान, या कारमध्ये ग्रामस्थांना अमली पदार्थसदृश्य वस्तू आढळून आली आहे.

Anjuna Car Accident
Anjuna Illegal Shacks: हणजुणे किनाऱ्यावरील बेकायदेशीर शॅक्स हटविल्या

या अपघातातील कार महाराष्ट्रातील नोंदणीकृत आहे. या वॅगन कारने हणजुणे येथे पार्किंगमध्ये उभ्या असलेल्या दोन दुचाकींनी धडक दिली. या अपघातावेळी पार्किंगमध्ये फारशी वर्दळ नव्हती. तसेच पार्क केलेल्या दुचाकींशेजारीही कुणीही नव्हते.

त्यामुळे सुदैवाने या अपघातात कुणीही जखमी झालेले नाही. दरम्यान, कारचा चालक नशेत असावा असा संशय व्यक्त केला जात आहे. कारण कारमध्ये सीटवर ग्रामस्थांना अमली पदार्थ सदृश्य वस्तू आढळून आली आहे.

या कारच्या अपघाताची आणि या पदार्थाची छायाचित्रेही सोशल मीडियातून शेअर झाली आहेत. दरम्यान, या प्रकाराबाबत गुन्हा दाखल झाला आहे किंवा नाही, हे अद्याप कळलेले नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com