झुआरी पुलावरुन कोसळलेल्या कारचा शोध लावण्यात यश

पाण्यात कॅमेराच्या साहाय्याने वाहनाचा शोध घेण्यात येत आहे.
Zuari Car Accident
Zuari Car Accident Dainik Gomantak

पणजी : अपघातग्रस्त झुआरी नदीत प्रवाशांसह बुडालेल्या वाहनाचा शोध लावण्यात नौदलाच्या डायव्हर्सना 24 तासांच्या आत यश आले आहे. पाण्यात कॅमेराच्या साहाय्याने वाहनाचा शोध घेण्यात येत आहे. वाहनात असलेले मृतदेह अगोदर काढण्यात येणार असून त्यानंतर ही गाडी क्रेनच्या सहाय्याने काढण्यात येणार असल्याची माहिती घटनास्थळी उपस्थित असलेल्या पोलिस व नौदलाच्या अधिकाऱ्यांनी दिली.

झुआरी पुलावरुन काल बुधवारी रात्री बाजूची रेलिंग तुटल्याने एक कार प्रवाशांसह नदीत कोसळून अपघात झाला आहे. अपघातानंतर झुआरी पुलावर शोधकार्य सुरु असून यासाठी नौदलाची मदतही घेतली जात आहे. मात्र मोठी दुर्घटना घडली आहे. अग्निशमन आणि आपत्कालीन कर्मचार्‍यांसह वेर्णा आणि आगशी पोलिसांकडून शोधकार्य सुरु होतं. नौदलाकडूनही आता बचावकार्यासाठी मदत घेतली जात आहे.

Zuari Car Accident
झुआरी पुलावरून नदीत पडलेली कार ही लोटली येथील कुटुंबातील असल्याचा संशय

झुआरी पुलावरून नदीत पडलेली एसयूव्ही बनावटीची गाडी ही लोटली येथील डीक्रूझ कुटुंबातील असल्याचे दिसते, अशी माहिती नुवेचे आमदार आलेक्स सिक्वेरा यांनी आज सकाळी घटनास्थळी भेट दिली असता पत्रकारांशी बोलताना माहिती दिली. हे वाहन लोटली येथील प्रेसिल्ला डिक्रूझचे असल्याचा दाट संशय आहे, जी काल रात्री आपल्या पतीसोबत बर्थडे पार्टीसाठी जात होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com