फोंडा: कार्गो ट्रक विद्युत डिपीला धडकून अपघात झाला आहे. फोंडा तालुक्यातील बेथोरा औद्योगिक वसाहत (Bethora industrial estate, Ponda) येथे गुरूवारी (दि.28) ही घटना घडली. या अपघातात केबल, ट्रान्सफॉर्मर आणि पोलचे नुकसान झाले आहे. नुकसान झालेल्या केबल, ट्रान्सफॉर्मर आणि पोलची दुरूस्ती करत असल्याचे गोवा विद्युत खात्याने स्पष्ट केले आहे.
गोवा विद्युत खात्याने याबाबत माहिती दिली आहे. बालाजी रोडवेएज, गोवा या कंपनीचा हा कार्गो असून तो डिपीला धडकल्याचे फोटोतून समोर आले आहे. गुरूवारी दुपारच्या सुमारास हा अपघात झाल्याची माहिती मिळाली आहे.
दरम्यान, गोव्यात अपघाताचे सत्र सुरूच आहे. बुधवारी रात्री झुआरी पुलावरून नदीत कार कोसळली, त्यात चार लोकांनी आपला जीव गमावला. बारा तासांच्या शोध मोहिमेनंतर ही कार नदीतून बाहेर काढण्यात आली. तर आज (शुक्रवारी) पहाटे चिखलीतील रिमा बारजवळच असलेल्या सांडपाण्याच्या पुलावरुन कार नाल्यात कोसळली. या अपघातात चार जण गंभीर जखमी झाले असून त्यांना उपचारासाठी गोमेकॉत दाखल करण्यात आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
