Goa Casino शेफच्या जीवावर बेतली मार्केटमधली बाचाबाची

बिल देण्यासाठी रांगेमध्ये राहण्यावरून झालेल्या बाचाबाचीचे रुपांतर मारहाणीत
Goa Casino chef Attack
Goa Casino chef AttackDainik Gomantak

पणजी: जुने गोवे (Old Goa) येथील सुपरमार्केट (Super market) दुकानात सामान खरेदी करून बिल देण्यासाठी रांगेमध्ये राहण्यावरून झालेल्या बाचाबाचीचे रुपांतर मारहाणीत झाले. संशयित गजानन पवार याने केलेल्या मारहाणीत जोझेफ मान्युएल डायस हा जबर जखमी झाला होता. इस्पितळात उपचार सुरू असताना त्याचे निधन झाले.

Goa Casino chef Attack
Goa: 'सेकंड इनिंग्ज' ज्येष्ठ नागरिक केंद्राचा डिचोलीत वर्धापनदिन

त्यामुळे संशयित पवार याचा जुने गोवे पोलिस शोध घेत आहेत. मात्र तो सध्या फरारी आहे. संशयित गजानन पवार याचा शोध घेण्यासाठी जुने गोवे पोलिसांनी विविध पोलिस पथके स्थापन करून त्याचा शोध सुरू केला आहे. सध्या त्याने पश्चिम बंगाल येथे पलायन केल्याची माहिती पोलिसांना मिळाली आहे. त्याच्या कुटुंबियाशी संपर्क साधून त्याला ताब्यात घेण्याचे प्रयत्न सुरू आहेत. मात्र, जोझेफ याच्या कुटुंबियांनी त्याच्याविरुद्ध खुनाचा गुन्हा दाखल करण्याची मागणी केली आहे.

घरी जात असताना हल्ला

पोलिसांनी दिलेल्या माहितीनुसार कॅसिनोमध्ये एक्सिक्युटिव्ह शेफ असलेला जोझेफ मान्युएल डायस व त्याची पत्नी जुने गोवे येथील सुपरमार्केटमध्ये सामान खरेदी करण्यास गेले होते. यावेळी त्यांची संशयित गजानन पवार याच्याबरोबर बाचाबाची झाली. सामानाचे बिल देऊन हे दाम्पत्य घरी जात असताना संशयित पवार याने जोझेफ याच्यावर सुपरमार्केटबाहेर हल्ला केला व तो तेथून पळून जात असताना इतर ग्राहकांनी त्याचा पाठलाग करून पोलिसांच्या ताब्यात दिले.

Goa Casino chef Attack
Goa: विद्यार्थ्यांच्या श्रमातून जमवलेले पैशांची पूरग्रस्तांना मदत

गुन्‍हा दाखल

पोलिसांनी त्याच्यावर गुन्हा नोंदवला आहे. न्यायालयाने या हल्ल्यात जोझेफ याच्या डोक्याला जबर जखम झाल्याने त्याच्या डोक्यावर शस्त्रक्रिया करण्यात आली होती. मात्र गोमेकॉ इस्पितळात उपचार सुरू असताना तीन आठवड्यांनी त्याचे निधन झाले. त्यामुळे त्याच्या कुटुंबियांनी खुनाचा गुन्हा नोंदविण्‍याची मागणी पोलिसांकडे केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com