डिचोली-दोडामार्ग रस्त्यावर गुरांचे साम्राज्य

वाहतुकीस अडथळा; अपघातांची शक्यता
डिचोली-दोडामार्ग रस्त्यावर गुरांचे साम्राज्य
Cattle on Bicholim-Dodamarg roadDainik Gomantak

डिचोली : डिचोली-दोडामार्ग रस्त्यावरील म्हावळींगे परिसरात मोकाट गुरांचे साम्राज्य वाढले आहे. या रस्त्यावर गुरांची समस्या दिवसेंदिवस गंभीर बनत चालली आहे. या मोकाट गुरांमुळे वाहनचालक व पादचाऱ्यांना मनस्ताप तर सहन करावा लागतच आहे.

उलट आधीच धोकादायक बनलेल्या या रस्त्यावर गुरांमुळे लहान सहान अपघात घडत आहेत. रात्रीच्यावेळीही गुरे रस्त्यावर ठाण मांडून असतात. या गुरांमुळे एखादेवेळी भयानक अपघात घडण्याची शक्यता नाकारता येत नाही.

Cattle on Bicholim-Dodamarg road
'बंगाल'ने मदत नाकारल्याने ‘त्या’ महिलेवर गोव्यात उपचार

डिचोली-दोडामार्ग रस्त्यावरील म्हावळींगे परिसरात तर मोकाट गुरांची समस्या अधिक जाणवते. नेस्ले कंपनीच्या मुख्य फाटकाजवळ तर बऱ्याचदा कळपाने गुरांचा वावर असतो. आधीच नेसले परिसरात रस्त्याच्या बाजूने पार्क केलेली अवजड वाहने, त्यातच रस्त्यावर कळपाने गुरांचा संचार यामुळे रस्त्यावर वाहने हाकताना वाहनचालकांना कसरत करावी लागते.

मोकाट गुरांच्या वाढत्या संचारामुळे या रस्त्यावर एखादेवेळी भयानक अपघात घडण्याची शक्यता आहे. तशी भीतीही वाहनचालक व्यक्त करीत आहेत. पंचायत वा अन्य संबंधित यंत्रणेने या मोकाट गुरांचा बंदोबस्त करावा, अशी वाहनचालकांची मागणी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com