CBI Arrested New channel commercial Head
CBI Arrested New channel commercial Head Dainik Gomantak

गोव्यात 'आप'च्या प्रचारासाठी दिले 17 कोटी रूपये; आता अडकला सीबीआयच्या जाळ्यात

दिल्ली दारू घोटाळा प्रकरणी न्यूज चॅनेलच्या कमर्शिअल हेडला अटक; सीबीआयची कारवाई

Delhi Excise Policy Scam: दिल्ली अबकारी धोरण प्रकरणी ईडी आणि सीबीआय स्वतंत्रपणे तपास करत आहेत. या प्रकरणात मनी लॉन्ड्रिंग प्रकरणात तपास यंत्रणांनी आत्तापर्यंत अनेकांना अटक केली आहे. आता सीबीआयने नोएडास्थित एका वृत्तवाहिनीच्या कमर्शिअल हेडला अटक केल्याची माहिती समोर येत आहे.

CBI Arrested New channel commercial Head
Kali Tiger Project Officer: गोव्याच्या सीमेवर वन अधिकाऱ्याचा मृत्यू; पाय घसरून पडला नदीत...

जून 2021 ते जुलै 2022 या कालावधीत या अधिकाऱ्याचा हवाला मनी ट्रेलमध्ये सहभाग असल्याचे सीबीआयने म्हटले आहे. अरविंद कुमार सिंग असे या अधिकाऱ्याचे नाव आहे. तो नोएडास्थित एका खासगी वृत्तवाहिनीचा कमर्शिअल हेड आहे.

दिल्ली दारू घोटाळ्याप्रकरणातील 17 कोटी रुपये आम आदमी पक्षाच्या प्रचारासाठी हस्तांतरित केल्याप्रकरणी त्याला अटक करण्यात आली आहे. तो जून 2021 ते जुलै 2022 पर्यंत हवाला मनी ट्रेलमध्ये सामील होता.

तपासादरम्यान CBI ने ऍक्सेस केलेल्या हवाला ऑपरेटर्सच्या WhatsApp चॅट रेकॉर्ड्सवरून ही माहिती समोर आली आहे.

CBI Arrested New channel commercial Head
Goa Congress : कर्नाटकला दिलेल्या डीपीआरचे श्रेय मुख्यमंत्र्यांनी का टाळले?

अरविंद यांनी जून 2021-जानेवारी 2022 दरम्यान गोवा निवडणुकीत AAP साठी जाहिरात मोहीम चालवणाऱ्या मीडिया कंपनीला 17 कोटी रूपये हस्तांतरित केले होते. हे पैसे हस्तांतरीत करताना या व्यवहारात अरविंद याने कथितपणे ऑपरेटर म्हणून काम केल्याचे सांगितले जात आहे.

दिल्ली सरकारच्या 2021-22 साठीचे मद्यधोरण काही व्यापाऱ्यांना, विक्रेत्यांना अनुकूल असल्याचा आरोप करण्यात आला आहे. या विक्रेत्यांनी सरकारला लाच दिली होती, असा आरोप आहे. सत्ताधारी 'आप'ने हे आरोप फेटाळले आहेत. तथापि, नंतर ही पॉलिसी रद्द करण्यात आली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com