पणजी: मामलेदार आणि उपजिल्हाधिकारी कार्यालये ही सामान्य जनतेच्या समस्या सुटण्यासाठी महत्त्वाची ठरतात. या कार्यालयांत विविध कामांसाठी सामान्यांची नेहमी ये-जा असते. या कार्यालयातील अधिकारी व कर्मचारी यांच्यात शिस्त व वक्तशीरपणा यावा, सामान्यांची वेळेत कामे व्हावीत, यासाठी आता राज्यातील सर्व कार्यालयांत ‘सीसीटीव्ही’ कॅमेरे बसवून ही कार्यालये महसूल मंत्रालयाशी जोडली जातील, अशी घोषणा महसूल मंत्री बाबूश मोन्सेरात यांनी आज (गुरुवारी) केली. येत्या सहा महिन्यांत त्याची अंमलबजावणी केली जाईल, असेही त्यांनी सांगितले.
महसूलमंत्री मोन्सेरात म्हणाले, ‘‘येत्या काही दिवसांत महसूल खात्यात अामूलाग्र बदल करण्यात येणार आहेत. प्रामुख्याने कुळ मुंडकार प्रकरणे हाताळण्यासाठी प्रत्येक तालुक्यात तीन ते चार मामलेदार असायला हवेत. सध्या ही संख्या कमी आहे. तालुक्यांमध्ये निर्माण होणाऱ्या कायदा आणि सुव्यवस्थेचा प्रश्न सोडवण्यासाठी संबंधित मामलेदारांना या कामातच व्यस्त रहावे लागते. त्यामुळे कुळ मुंडकारांचे खटले पडून राहतात. याचा परिणाम या खटल्यांवर झाला असून, अनेक वर्षे हे खटले निकालात निघाले नाहीत. त्यामुळे निर्धारीत वेळेत हे खटले निकालात काढून संबंधितांना न्याय देण्यासाठी खात्यातर्फे तांत्रिक बदल करण्यात येणार आहेत.’’
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
