पणजी : राज्यांना देण्यात आलेल्या वस्तू व सेवा कर (जीएसटी) भरपाईतील कमतरता भागविण्यासाठी वितरित झालेल्या 17व्या हफ्त्याचा भाग म्हणून गोव्याला 20.3 कोटी रुपये मिळाले. केंद्रीय वित्त मंत्रालयाने शुक्रवारी कोरोनामुळे जीएसटी संकलनात कमतरता असलेल्या राज्यांना साप्ताहिक 5 हजार कोटी रुपयांचा हफ्ता जाहीर केला. या वितरणानंतर केंद्राने गोव्याला जाहीर केलेली एकूण रक्कम 807.89 कोटी रुपये आहे. केंद्राच्या म्हणण्यानुसार जीएसटी भरपाईची अंदाजे 91% रक्कम राज्यांना देण्यात आली आहे.
जीएसटीच्या अंमलबजावणीमुळे उद्भवलेली महसुलातील अंदाजे 1.1 लाख कोटी रुपयांची कमतरता भरून काढण्यासाठी केंद्र सरकारने ऑक्टोबर 2020 मध्ये खास कर्ज घेण्याची प्रणाली तयार केली होती. या आठवड्यात पाच वर्षांच्या मुदतीसाठी 5.5% व्याज दराने ही रक्कम घेण्यात आली आहे. काही लक्झरी वस्तूंवर जमा झालेल्या भरपाई उपकरातून हा निधी भरून काढला जाईल.
4,597.16 कोटी रुपयांची रक्कम 23 राज्यांना देण्यात आली आहे, तर 402.84 रूपयांची रक्कम दिल्ली, जम्मू आणि काश्मीर आणि पुद्दुचेरी या तीन केंद्र शासित प्रदेशांना देण्यात आली आहे. उर्वरित राज्ये, अरुणाचल प्रदेश, मणिपूर, मिझोरम, नागालँड आणि सिक्कीम या राज्यांमध्ये जीएसटी महसुलात तफावत नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.