Goa Rain Update : मागील महिन्यापासून गोव्यात संमिश्र वातावरण पाहायला मिळाले आहे. काल मंगळवारी (10 मे) ढगाळ वातावरण दिसून आले. त्यातच असह्य उष्णतेमुळे गोवेकर हैराण झाले आहेत. 11 मे ते 13 मे पर्यंत गोव्यात ठीकठिकाणी मेघगर्जनेच्या पाऊस पडण्याची शक्यता आहे. अधूनमधून भारतीय हवामानशास्त्र विभागाने (IMD) सांगितल्याप्रमाणे सुमारे 30 किमी प्रतितास वेगाने वारे वाहण्याची शक्यता आहे.
बंगालच्या उपसागरावर असनी चक्रीवादळाच्या आफ्टर इफेक्ट वातावरणात बदल झाल्याचे IMD ने सांगितले आहे. 'असनी चक्रीवादळामुळे, वारे खालच्या पातळीवर पश्चिमेकडे वाहतात, ज्यामुळे गोव्यात आर्द्रतेचा प्रवेश होतो, आणि म्हणूनच राज्याच्या काही भागांत हलका पाऊस पडण्याची शक्यता आहे. हे वारे सध्या 20 किमी प्रतितास वेगाने वाहत आहेत', असे आयएमडीचे शास्त्रज्ञ राहुल एम. यांनी सांगितले.
गोव्यावर असनीचा कोणताही थेट परिणाम किंवा तीव्र हवामानाचा परिणाम होणार नाही, असे याआधी म्हटले जात होते. परंतु, IMD ने म्हटले आहे की असनीची उपस्थिती आणि हालचालींमुळे गोव्यासह देशाच्या दक्षिण पश्चिम किनारपट्टीवर हलका पाऊस पडू शकतो. हवामानाच्या परिस्थितीमुळे कमाल तापमानातही घसरण झाली आहे. मंगळवारी संध्याकाळी 6 वाजेपर्यंत पणजीतील कमाल तापमान 33.2 अंश सेल्सिअस नोंदवले गेले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
