मडगाव: २०२२ ची विधानसभा निवडणूक हे भाजपचे लक्ष्य असून या निवडणुकीसाठी भाजपने आतापासूनच तयारी सुरू केली आहे, असे मुख्यमंत्री डॉ. प्रमोद सावंत यांनी येथे सांगितले. सासष्टीतील सात मतदारसंघांतील भाजपच्या कार्यकर्त्यांसाठी आज तीन ठिकाणी घेण्यात आलेल्या प्रशिक्षण शिबिरात मार्गदर्शन करण्यासाठी आले असता ते पत्रकारांशी बोलत होते.
सासष्टीतील सात मतदारसंघ धरून आतापर्यंत २८ मतदारसंघांत ही शिबिरे घेण्यात आली आहेत. उर्वरित मतदारसंघांतही ही शिबिरे घेण्यात येतील. २०२२ च्या निवडणुकीच्या तयारीचा भाग म्हणून ही शिबिरे घेण्यात येत आहेत, असे सावंत यांनी सांगितले.
भाजपच्या मूळ ध्येयधोरणानुसार संपूर्ण राज्याप्रमाणे सासष्टीतही पक्षकार्य करण्यात येते. सासष्टीची जनता ही गोमंतकीयच आहे. मुख्यमंत्री या नात्याने मी कसे काम करतो हे सासष्टीतील लोकांनाही कळू लागले आहे. आम्ही स्वतःचे हित न पाहता राज्य प्रथम या तत्त्वानुसार काम करतो. मागचे २० - २२ महिने सरकारने केलेल्या कार्याची जाणीव सासष्टीवासीयांनाही आहे. त्यामुळे सासष्टीसाठी आणी वेगळे काही करण्याची गरज नाही, असे मुख्यमंत्र्यांनी सांगितले.
आणखी वाचा:
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.