Save Goa Save Mhadai: मुख्यमंत्री सावंत हे सूर्याजी पिसाळ, कर्नाटकात जाऊन केलेला प्रचार पूर्णतः गोवाद्रोह

सेव्ह गोवा सेव्ह म्हादई मंचाकडून निषेध
Save Goa Save Mhadai
Save Goa Save MhadaiDainik Gomantak

Save Goa Save Mhadai ज्या मंचावरून कर्नाटक म्हादई पाणी वाटपाचा वाद सामंजस्याने सोडविला आणि आता आम्हाला पाणी वळविण्यापासून कोणीच रोखू शकत नाहीत असे कर्नाटकचे मंत्री उघडपणे सांगतात.

त्याचं व्यासपीठावरून ह्या सरकारला परत सत्तेवर आणा अशी मागणी गोव्याचे मुख्यमंत्री प्रमोद सावंत करतात, ही बाब अत्यंत दुर्दैवी असून मुख्यमंत्र्यांची कृती हा निव्वळ गोवाद्रोह असून त्यांच्या या गुन्ह्याला माफी नाही अशी प्रतिक्रीया सेव्ह म्हादई सेव्ह गोवा या संघटनेचे नेते प्रशांत नाईक यांनी व्यक्त केली.

आज मडगाव येथे घेतलेल्या पत्रकार परिषदेत बोलतांना नाईक यांनी मुख्यमंत्री सावंत हे सूर्याजी पिसाळ असे संबोधित अशा गद्दारांस आता जनताच धडा शिकवणार असे म्हणत त्यांचा जाहीर नाही निषेध केला.

मुख्यमंत्री सावंत हे शिवाजी महाराजांचे गोडवे गातात पण प्रत्यक्षात शिवाजी महाराजांच्या राज्याला फितुरीचा सुरुंग लावणाऱ्या सूर्याजी पिसाळ यांची भूमिका निभावतात. जर कर्नाटक मंत्र्यांनी जाहिरपणे मांडलेली भूमिका आमचे मुख्यमंत्री मुकाट्याने मान्य करतात तर उद्या सर्वोच्च न्यायालयात गोव्याची बाजू कणखरपणे कसे मांडतील असा प्रश्न केला.

Save Goa Save Mhadai
Vasco News: वास्को पोलिस ग्रेट! 7 वर्षीय मूकबधिर मुलीला...

या आंदोलनाचे सासष्टी तालुक्याचे निमंत्रक सेराफीन कोता यांनी मुख्यमंत्री सावंत यांनी गोवेकराना कर्नाटक समोर विकले असा आरोप करतांना ज्यावेळी कर्नाटकचे मंत्री म्हादईचा प्रश्न सुटला असे म्हणत असताना मुख्यमंत्र्यानी त्याचे म्हणणे खोडून का काढले नाही असा सवाल केला. तर प्रतिमा कुतीन्हो यांनी मुख्यमंत्री सावंत यांच्या वरील गोवेकरांचा विश्र्वास उडाला आहे असे सांगीतले. यावेळी विकास भगत हेही उपस्थीत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com