चिखली स्पोर्टस् कल्ब: 'तुमच्या हक्कासंबंधी- तुमचा आवाज ऐका'

'प्रत्येक ग्रामस्थाने ग्रामसभांमध्ये सहभागी होणे गरजेचे'
 Chikhali Sports Club program
Chikhali Sports Club programDainik Gomantak

वास्को: लोकशाहीच्या परिणामकारक वाढीसाठी प्रत्येक ग्रामस्थाने ग्रामसभांमध्ये सहभागी होणे गरजेचे असल्याचे गोवा कॅनचे समन्वयक रोलंड मार्टिन्स यांनी सांगितले. त्यांनी ग्रामसभेची भूमिका व ग्रामसभा ही गावाच्या विकास कार्यात कशी उत्प्रेरक असते, याबद्दल उपस्थितांना माहिती दिली. चिखली बायो-क्रुसेडर्सने 'तुमच्या हक्कासंबंधी- तुमचा आवाज ऐका' या शीर्षकाखाली ग्रामपंचायती व ग्रामसभांमध्ये जनजागृती कार्यक्रम चिखली स्पोर्टस् कल्बच्या प्रांगणात आयोजित केला होता. याप्रसंगी मार्टिन्स बोलत होते. अर्ध्या दिवसाच्या या कार्यक्रमाला चांगला प्रतिसाद मिळाला. चिखली, दाबोळी, चिकोळणा बोगमाळो, कुठ्ठाळी, झुआरीनगर, मडगाव, वेर्णी, कासावली, म्हापसा, बेतोडा, शिरोडा, शिवोली, गिरदोली, सेट जुझे द आरिएल येथील काही ग्रामस्थ सहभागी झाले होते.

याप्रसंगी तळागाळातील विकास, ग्रामपंचायत पंचायत विकास, स्तरावर लोकशाही बळकट करणे, ग्रामपंचायतीमध्ये पंच का व कसे व्हावेत यासंबंधी चर्चा करण्यात आली. मार्टिन्स यांनी उपस्थितांना पंचायत कामकाज, ग्रामसभांची भूमिका, विविध समित्यांची भूमिका व समिती सदस्यांची कर्तव्ये व जबाबदारी यासंबंधी सखोल माहिती दिली.

 Chikhali Sports Club program
जीएसआर दरांत सुधारणा करू: निलेश काब्राल

कार्यक्रमाच्या उद्घाटनप्रसंगी चिखलीच्या माजी पंच डॉ. अँटोनिटा फिगरेदो ई फनांडिस, सिंथिया लिमा लितांव ई मिरांडा, अंकिता सातार्डेकर,फादर मायकेल फर्नांडिस उपस्थित होते. फर्नांडिस यांनी आपल्या कार्यकाळात पंचायत ज्ञानाअभावी अनेक अडचणींना सामोरे जावे लागले होते, अशी आठवण सांगितली. काविना फर्नांडिस यांनी सूत्रसंचालन केले.

चिखली बायो-क्रुसेडर्सचे संयोजक सिरिल फर्नांडिस यांनी कार्यक्रम आयोजित करण्यामागील भूमिका स्पष्ट केली. अनेक ग्रामस्थांनी अशा प्रकारच्या जागृती कार्यक्रमाचे आयोजन करण्यासंबंधी चिखली बायो क्रुसेडरशी संपर्क साधला होता. आगामी पंचायत निवडणुकीत संबंधित पंचायतमीमध्ये चांगले व प्रभावी पंचायत प्रतिनिधी निवडण्यासाठी मदत होईल, असे त्यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com