Churchill Alemao: 'चर्चिल भाजपचे वेल विशर, पण...', आलेमाव यांच्या पक्ष प्रवेशाबद्दल तानावडे काय म्हणाले?

चर्चिल भाजप पक्षात सामील होणार का याबाबत प्रदेशाध्यक्ष सदानंद तानावडे यांनी माहिती दिली.
Churchill Alemao
Churchill AlemaoDianik Gomantak

चर्चिल आलेमाव हे सुरुवातीपासून भाजप पक्षाचे 'वेल व्हिशर' आहेत पण भाजप प्रवेश करण्याबाबत त्यांनी अजून तरी कोणतेही संकेत दिलेले नाहीत असा खुलासा भाजप प्रदेशाअध्यक्ष सदानंद तानावडे यांनी केला आहे.

हल्लीच चर्चिल आलेमाव यांनी राज्यांतील तसेच केंद्रातील भाजप सरकारचे गोडवे गाताना लोकसभा निवडणुकीत दोन्ही जागांवर भाजप जिंकून येईल असे भाकीत केले होते. या नंतर चर्चिल भाजप पक्षात सामील होतील या चर्चेने जोर धरला होता.

याबद्दल तानावडे यांना विचारले असता ते म्हणाले, 'चर्चिल आलेमाव हे मुख्यमंत्री प्रमोद सावंत यांचे चांगले मित्र आहेत. सावंत यांच्या चांगल्या निर्णयांची त्यांनी सदोदित वाखाणणी केली आहे. पण भाजप पक्षात सामील होण्यासाठी ते अजून मुख्यमंत्री सावंत यांच्याकडेही बोललेले नाहीत किंवा माझ्याकडेही बोलले नाहीत. त्यांच्याकडून तसा प्रस्ताव आला तर त्यावर केंद्रीय नेतृत्व निर्णय घेईल.' असे ते म्हणाले.

'गोव्यात भाजप सरकारने काम केले आहे ते पाहिल्यास दोन्ही जागांवर भाजप उमेदवार जिंकून येतील ही गोष्ट 100 टक्के खरी आहे.' असे तानावडे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com