Bicholim: चतुर्थी सणाच्या तोंडावर आज (बुधवारी) डिचोलीच्या आठवडी बाजारात भाजी विक्रेत्यांच्या दोन गटातील वाद उफाळून आला. सकाळीच भाजी विक्रेत्यांमध्ये ‘हमरीतुमरी’चा प्रकारही घडला. पोलिसांनाही पाचारण करण्याची पाळी आली. सकाळचा वाद शमून बाजारातील स्थिती सुरळीत झाल्यानंतर पुन्हा दुपारी वाद निर्माण झाला.
आठवडी बाजारात भाजी विक्री करणाऱ्या लमाणी भाजी विक्रेत्यांमध्ये क्षुल्लक कारणावरून अधूनमधून वाद निर्माण होत असतो. यापूर्वी हाणामारीचे प्रकारही घडले आहेत. आता ऐन चतुर्थीच्या तोंडावर भाजी विक्रेत्यांमध्ये वाद निर्माण झाल्याने बाजारहाटासाठी येणारे ग्राहक धास्तावले आहेत.
भाज्यांचे दर स्थिर : चतुर्थीच्या तोंडावर भाज्या महागणार असल्याचे संकेत असले, तरी आज आठवडी बाजारात राज्याबाहेरील भाज्यांचे दर स्थिर होते. मात्र चतुर्थीनिमित्त पुढील दोन दिवसात भाज्यांचे दर दुप्पट होणार असल्याचे संकेत आहेत. आज आठवडी बाजारात मोठी गर्दी उसळणार. अशी विक्रेत्यांची अपेक्षा होती. मात्र अपेक्षेप्रमाणे बाजारात ग्राहक दिसून आले नाहीत. दिवसभराच्या तुलनेत सायंकाळी मात्र बाजारात वर्दळ वाढली होती. पुढील दोन दिवसात बाजारात गर्दी उसळणार, हे निश्चित आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
