CM Pramod Sawant : शासकीय प्राथमिक शाळांच्या विलिनीकरणाच्या निर्णयावर नागरिकांचा विरोध आहे. विरोधी पक्षांनीही यावरून टीकेची झोड उठविली आहे. यावर ‘ज्या सरकारी प्राथमिक शाळांतील विद्यार्थीसंख्या कमी आहे, तेथील पालक तयार असतील तर तेथे अधिक शिक्षक देऊन त्या शाळा चालवण्यास सरकार तयार आहे’, असे मुख्यमंत्री प्रमोद सावंत यांनी बुधवारी स्पष्ट केले.
‘प्राथमिक शाळा बंद करू असे आतापर्यंत आपण कधीच म्हटलो नाही. दोन-तीन विद्यार्थी असलेल्या शाळांचे जवळच्या शाळांत विलिनीकरण करून तेथील शिक्षकांची संख्या वाढवणे, नव्या शैक्षणिक धोरणानुसार विद्यार्थ्यांना दर्जेदार शिक्षण देणे, विद्यार्थ्यांना वाहतूक व्यवस्था पुरवणे आणि एकंदरीत सरकारी प्राथमिक शाळांच्या व्यवस्थेत सुधारणा घडवून आणण्याच्या दृष्टीने सरकारने शाळा विलिनीकरणासंदर्भात सर्वेक्षण करून शिक्षक, पालकांशी प्राथमिक स्तरावर चर्चा सुरू आहे’, असे मुख्यमंत्री सावंत म्हणाले.
सरकारला शाळांच्या इमारतींची नव्हे, तर विद्यार्थ्यांची आणि त्यांच्या शिक्षणाची चिंता आहे. त्यांना दर्जेदार शिक्षण देऊन त्यांचा पाया बळकट करण्याचे सरकारचे ध्येय आहे. त्यासाठीच चाचपणी सुरू आहे. परंतु, काही राजकीय पक्षांनी यावरून प्रसिद्धी मिळवण्याचा खटाटोप सुरू केला आहे, असे सावंत म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
