मुख्यमंत्र्यांचे बनावट व्हॉटसॲप खाते प्रकरण ; औरंगाबादचा युवक ताब्यात

विविध क्षेत्रातील नागरिकांना संदेश पाठवून खळबळ माजवून दिलेल्या संशयित सय्यद इजाझ (42) याला औरंगाबाद येथून ताब्यात घेतले आहे.
मुख्यमंत्र्यांचे बनावट व्हॉटसॲप खाते प्रकरण ; औरंगाबादचा युवक ताब्यात
Goa Whatsapp FraudDainik Gomantak

पणजी : गोव्याचे मुख्यमंत्री डॉ. प्रमोद सावंत यांच्या नावे बनावट व्हॉटसॲप खाते उघडून राजकीय व्यक्ती तसेच विविध क्षेत्रातील नागरिकांना संदेश पाठवून खळबळ माजवून दिलेल्या संशयित सय्यद इजाझ (42) याला औरंगाबाद येथून ताब्यात घेतले आहे. प्रकरणाचा छडा लावण्यात पोलिसांना यश आले असून संशयिताची चौकशी सुरू असल्याची माहिती सायबर गुन्हे विभागाच्या अधिकाऱ्यांनी दिली.

Goa Whatsapp Fraud
दोन वर्षांच्या खंडानंतर पुन्हा साजरा होणार लोहिया मैदानावर क्रांतीदिन

या बनावट व्हटस्अपप्रकरणी मुख्यमंत्र्यांच्या कार्यालयातून तक्रार दाखल झाल्यानंतर सायबर गुन्हे विभागाची यंत्रणा गतिमान झाली होती. या विभागाकडे असलेल्या अत्याधुनिक तपास यंत्रणेच्या आधारे हे मेसेज पाठवणाऱ्या व्यक्तीचा थांगपत्ता लागला होता.

त्याच्यावर सायबर गुन्हे अधिकाऱ्यांनी या यंत्रणेचा वापर करून पाळत ठेवली होती. त्याचा ठोस ठावठिकाणी कळाल्यावर विभागाचे पोलिस पथक औरंगाबाद येथे जाऊन त्याला ताब्यात घेऊन गोव्यात आणले. त्याची सखोल चौकशी सुरू आहे.

पोलिस प्रमुखांनाही दणका

काही अज्ञातांनी माजी पोलिस महासंचालक इंद्रदेव शुक्ला यांच्या नावाने बनावट व्हॉटस्अप खाते उघडून त्यावर विद्यमान पोलिस महासंचालक जसपाल सिंग यांचे छायाचित्र डाऊनलोड केले.

या खात्यावरून अधिकाऱ्यांशी संवाद साधण्यात येत असल्याची तक्रार दाखल करण्यात आली होती. त्याचाही शोध सुरू आहे असे सायबर गुन्हे विभागाच्या अधिकाऱ्यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com